തിരുവനന്തപുരം . സമൂഹമാധ്യമത്തിലൂടെ പരിചയപ്പെട്ട മെഡിക്കൽ വിദ്യാർത്ഥിനിയെ വിവിധ സ്ഥലങ്ങളിൽ കൂട്ടി പോയി പീഡിപ്പിച്ച് ഗർഭിണിയാക്കിയ ദന്ത ഡോക്ടർ അറസ്റ്റിലായി. ആറ്റിങ്ങൽ ബോയ്സ് സ്കൂളിന് സമീപത്തെ സുബിനം ഹൗസിൽ സുബി എസ് നായർ (32) നെ വിഴിഞ്ഞം പോലീസ് ആണ് അറസ്റ്റ് ചെയ്തിരിക്കുന്നത്.
2022 ജൂലൈയിൽ പരിചയപ്പെട്ട തിരുമല സ്വദേശിനിയായ 27കാരിയെ വിഴിഞ്ഞം, കോവളം ഉൾപ്പെടെ നിരവധി സ്ഥലങ്ങളിൽ കൊണ്ടുപോയി പീഡിപ്പിച്ച് ഗർഭിണിയാക്കിയെന്നാണ് പരാതി. വിഴിഞ്ഞം എസ് എച്ച് ഒ പ്രജീഷ് ശശി പറഞ്ഞു.വിവാഹ വാഗ്ദാനം നൽകി പീഡിപ്പിച്ച് പകർത്തിയ വിഡിയോ ഉപയോഗിച്ച് ഭീഷണിപ്പെടുത്തിയായി രുന്നു നിരവധി തവണ പീഡനം അരങ്ങേറുന്നത്.
ഇത് സംബന്ധിച്ച് പെൺകുട്ടി പോലീസിന് മൊഴി നൽകിയിട്ടുണ്ട്. ഗർഭിണിയായ പെൺകുട്ടി ഗർഭഛിദ്രത്തിന് വിധേയയായി. വിവാഹ വാഗ്ദാനത്തിൽനിന്ന് പിന്മാറിയതോടെയാണ് പെൺകുട്ടി വിഴിഞ്ഞം പൊലീസിൽ പരാതി നൽകുന്നത്. സുബി എസ് നായർ നേരത്തേ മറ്റൊരു വിവാഹം കഴിച്ചിരുന്നു. എന്നാൽ വിവാഹ മോചിതനാണ്. ഇയാളുടെ പീഡനത്തിന് ഉപയോഗപ്പെടുത്തിയ കാറും പോലീസ് കസ്റ്റഡിയിലെടുത്തിട്ടുണ്ട്.
