മനുഷ്യരും മൃഗങ്ങളും തമ്മിലുള്ള സൗഹൃദത്തിന്റെ വിഡിയോകൾ സോഷ്യൽ മീഡിയയിൽ ഇപ്പോഴും എത്താറുണ്ട്. പട്ടി, പൂച്ച, തത്ത, ഹാംസ്റ്റര്‍ തുടങ്ങിയവ മനുഷ്യരുമായി വേഗത്തില്‍ ചങ്ങാത്തിലാകുന്ന നിരവധി വിഡിയോകൾ ഇതിനകം എത്തിയിട്ടുണ്ട്. ഇപ്പോഴിതാ ജീന്‍സ് ധരിച്ച ഒരു ചിമ്പാന്‍സി ഒരു സ്ത്രീയെ ചുംബിക്കുന്ന വീഡിയോയാണ് വൈറലാകുന്നത്. മനുഷ്യന്‍ കഴിഞ്ഞാൽ ചിമ്പാൻസിയെ ഏറ്റവും ബുദ്ധിയുള്ള മൃഗമായിട്ടാണ് കണക്കാക്കുന്നത്. ആശയവിനിമയം നടത്താനുള്ള കഴിവ് ചിമ്പാൻസികൾക്ക് മറ്റുമൃഗങ്ങളെക്കാൾ വളരെ കൂടുതലാണ്.
ചിമ്പാന്‍സികള്‍ മനുഷ്യരെ പോലെ തന്നെ ചിലപ്പോൾ സ്‌നേഹവും കോപവും ദുഖവുമൊക്കെ പ്രകടിപ്പിക്കാറുണ്ട്. അത്തരത്തിൽ പെടുന്ന ഒരു വീഡിയോ ആണിത്. മനുഷ്യരെ കെട്ടിപ്പിടിച്ച് നില്‍ക്കുന്ന ചിമ്പാന്‍സികളെ കണ്ടിട്ടുണ്ടോ? തായ്‌ലാന്‍ഡി ലെ ബാങ്കോങ്ങിലെ സഫാരി വേള്‍ഡിലെ വ്യത്യസ്തനായ ചിമ്പാന്‍സി ഇപ്പോൾ സോഷ്യല്‍ മീഡിയയിൽ ഹൃദയം കവരുകയാണ്.
സൗമ്യ ചന്ദ്രശേഖരന്‍ എന്ന യുവതി മൃഗശാല സന്ദര്‍ശിക്കുന്നതിനിടെ ചിമ്പാന്‍സി യുമായി ഫോട്ടോഷൂട്ട് നടത്തുകയാണ്. ജീന്‍സ് ധരിച്ച ചിമ്പാന്‍സി ഒരു ഊഞ്ഞാലില്‍ ഇരുന്നാണ് യുവതിക്കൊപ്പം ഫോട്ടോക്ക് പോസ് ചെയ്യുന്നത്. യുവതിയെ കെട്ടിപിടിച്ചും ഉമ്മ കൊടുത്തും ക്യാമറ നോക്കി ചിരിക്കുകയും ഒക്കെ ചെയ്യുകയാണ് ചിമ്പാൻസി.
പരിശീലകന്റെ നിര്‍ദേശങ്ങള്‍ അനുസരിച്ചാണ് ചിമ്പാന്‍സി ഇതെല്ലാം ചെയ്യുന്ന തെങ്കിലും കാണുന്നവര്‍ക്ക് ഏറെ കൗതുകവും അത്ഭുതവുമാണ് ഇത് ഉണ്ടാക്കുന്നത്. സൗമിയ ചന്ദ്രശേഖരന്‍ തന്റെ ഇന്‍സ്റ്റാഗ്രാം പേജിലൂടെയാണ് ഇതിന്റെ വീഡിയോ പങ്കുവെച്ചിരിക്കുന്നത്. 5.3 ദശലക്ഷത്തിലധികം അധികം പേർ ഇതിനോടകം ഈ വീഡിയോ കണ്ടു കഴിഞ്ഞിരിക്കുന്നു. സമ്മര്‍ദങ്ങള്‍ നിറഞ്ഞ ജീവിതങ്ങള്‍ക്കിടയില്‍ ഈ വീഡിയോകള്‍ പലർക്കും പലപ്പോഴും ഒരു ആശ്വാസം പകരുന്നു. വീഡിയോ ഏതായാലും സോഷ്യല്‍ മീഡിയ ഏറ്റെടുത്തിരിക്കുകയാണ്.
View this post on Instagram
