ന്യൂഡല്ഹി/ കേന്ദ്രസര്ക്കാരിന്റെ അഗ്നിപഥ് പദ്ധതിക്ക് രാജ്യത്താകെ മികച്ച പ്രതികരണം. വ്യോമസേനയിൽ മാത്രം അഗ്നിവീര് റിക്രൂട്ട്മെന്റിനായി ഇതുവരെ 56,960 അപേക്ഷകള് ലഭിച്ചതായി ഇന്ത്യന് വ്യോമസേന അറിയിച്ചു. മൂന്നു ദിവസം കൊണ്ടാണ് ഇത്രയും അപേക്ഷകൾ എത്തുന്നത്. വെള്ളിയാഴ്ചയാണ് അഗ്നിവീര് പദ്ധതിയിലേക്കുള്ള രജിസ്ട്രേഷന് ആരംഭിച്ചത്.
ഞായറാഴ്ച വരെ മൂന്നു ദിവസം കൊണ്ടാണ് ഇത്രയും അപേക്ഷകള് ലഭിച്ചതെന്നു വ്യോമസേന ഉദ്യോഗസ്ഥര് വ്യക്തമാക്കിയിട്ടുണ്ട്. രജിസ്ട്രേഷന് നടപടികള് തുടരുകയാണ്. https://agnipathvayu.cdac.in. എന്ന സൈറ്റ് വഴി രജിസ്ട്രേഷന് നടത്താം. ജൂലൈ അഞ്ചാണ് അപേക്ഷിക്കാനുള്ള അവസാന തീയതിയായി അറിയിച്ചിട്ടുള്ളത്.
മൂവായിരം പേര്ക്കാണ് ഈവർഷം അഗ്നിവീറുകളായി നിയമനം നല്കുന്നത്. നാവികസേനയിലേക്കുള്ള രജിസ്ട്രേഷന് നടപടികള് ശനിയാഴ്ചയാണ് ആരംഭിച്ചത്. ജൂലൈ മാസം മുതലാണ് കരസേനയിലേക്കുള്ള രജിസ്ട്രേഷന്. കരസേനയിലെ റിക്രൂട്ട്മെന്റ് റാലികള് ഓഗസ്റ്റില് തുടങ്ങും.
56,960 applications received to date from future Agniveers in response to the #Agnipath recruitment application process: Indian Air Force pic.twitter.com/yvtWfIsRGz
— ANI (@ANI) June 27, 2022