സില്‍വര്‍ലൈനിന് ബദല്‍ പദ്ധതി കേന്ദ്രത്തിന്റെ പരിഗണയിൽ- വി മുരളീധരൻ

തിരുവനന്തപുരം/ സംസ്ഥാന സര്‍ക്കാരിന്റെ സില്‍വര്‍ലൈനിന് ബദല്‍ പദ്ധതി കേന്ദ്രസര്‍ക്കാറിന്റെ പരിഗണയിൽ. കേന്ദ്രമന്ത്രി വി മുരളീധരന്‍ ആണ് ഇക്കാര്യം അറിയിച്ചിരിക്കുന്നത്. കേന്ദ്രത്തിനു വേഗമേറിയ റെയില്‍ ഗതാഗതം സംസ്ഥാനത്തിന് വേണമെന്ന അഭിപ്രായമാണ് കേന്ദ്ര സർക്കാരിന് ഉള്ളത്.

മെട്രോമാന്‍ ഇ ശ്രീധരന്‍ ഉള്‍പ്പെടെ നിര്‍ദേശിച്ച പദ്ധതികളാണ് ഇതിനായി കേന്ദം പരിഗണിക്കുന്നത്. സില്‍വര്‍ലൈന്‍ കേന്ദ്ര പരിഗണനയിലുണ്ടോയെന്ന് പറയേണ്ടത് റെയില്‍വേ മന്ത്രിയാണ്. വി മുരളീധരന്‍ പറഞ്ഞു. അതേസമയം, സില്‍വര്‍ലൈന്‍ പദ്ധതി മരവിപ്പിക്കുന്നതിനെ പറ്റി കെ റെയിലും സംസ്ഥാന സര്‍ക്കാരും ഇതുവരെ തീരുമാനിച്ചിട്ടില്ലെന്ന് കെ റെയില്‍ എംഡി വി അജിത് കുമാര്‍ അറിയിച്ചിരുന്നു.

സില്‍വര്‍ലൈന്‍ പദ്ധതിയുമായി കെ റെയിൽ മുന്നോട്ട് പോകുകയാണ്. പദ്ധതിക്കുവേണ്ട സാമൂഹികാഘാത പഠനം നടന്നു വരുന്നു. കല്ലിട്ട സ്ഥലങ്ങളില്‍ പഠനം നടന്നുകൊണ്ടിരിക്കുന്നു. അത് പൂര്‍ത്തിയാകുമ്പോള്‍ ജിയോ ടാഗിങ് വഴി അതിര്‍ത്തി നിര്‍ണയിച്ച് ബാക്കിയുള്ള സ്ഥലങ്ങളിലും പഠനം തുടരും. കെ റെയില്‍ നടത്തിയ ജനസമക്ഷം 2.0 ഓണ്‍ലൈന്‍ പരിപാടിയില്‍ ആണ് അജിത്കുമാർ ഇങ്ങനെ പറഞ്ഞത്.