വർഷങ്ങൾക്കു മുന്നെ പട്ടുപാവാടയൊക്കെ ഇട്ട് തനിനാടനായി വന്ന പാട്ടുകാരി അല്ല അമൃത സുരേഷ് ഇപ്പോൾ ലുക്കൊക്കെ ആകെ മാറി മോഡേണായി. വർഷങ്ങൾക്കിപ്പുറം സംഗീത രംഗത്ത് സജീവമാകുമ്പോൾ പാട്ടു കൊണ്ടു മാത്രമല്ല ലുക്കിലും അമൃത ശ്രദ്ധേയമാണ്. കുട്ടിക്കാലം മുതലേ തന്നെ അമൃത സംഗീതം പഠിച്ചിരുന്നു . റിയാലിറ്റി ഷോയ്ക്ക് പിന്നാലെയായി മികച്ച അവസരങ്ങളാണ് അമൃതയ്ക്ക് ലഭിച്ചത്. ഇതിനിടയിലായിരുന്നു ബാലയുമായുള്ള വിവാഹവും. 
വിവാഹ ശേഷവും പാട്ടിൽ സജീവമായിരുന്നു. അധികം വൈകാതെ തന്നെ ഇരുവരും വേർപിരിയുകയായിരുന്നു. മകൾ അവന്തിക അമൃതക്കൊപ്പമാണ് താമസം. അമൃതം ഗമയ എന്ന ബാൻഡുമായി സജീവമാണ് അമൃത. നിരവധി വേദികളിൽ ഈ ബാൻഡ് പെർഫോം ചെയ്തിട്ടുണ്ട്.
കഴിഞ്ഞ ദിവസം പ്രചരിച്ച വ്യാജവാർത്തക്കെതിരെ രംഗത്തെത്തിയിരിക്കുകയാണ് താരം. സംഗീത ജീവിതത്തിലെ പുതിയ പ്രൊജക്ടുകളെ കുറിച്ച്‌ കഴിഞ്ഞ ദിവസം അമൃത സോഷ്യൽ മീഡിയയിൽ പോസ്റ്റ് പങ്കുവച്ചിരുന്നു. ഇപ്പോൾ പുതിയ കാര്യങ്ങൾ ചെയ്യാൻ ശ്രമിക്കുകയാണെന്ന് ആയിരുന്നു താരത്തിന്റെ വാക്കുകൾ. 
എന്നാൽ ഇതിനു പിന്നാലെ ബാലയെ വീണ്ടും വിവാഹം ചെയ്യാൻ ഒരുങ്ങുന്നു വാർത്തകൾ പ്രചരിച്ചു. അത് കണ്ട് അത്ഭുതപ്പെട്ടു എന്നാണ് അമൃത പറയുന്നത്.
‘ഇതിനു മുമ്ബും പല തവണ ഇത്തരം വ്യാജ പ്രചാരണങ്ങളുണ്ടായിട്ടുണ്ട്. സോഷ്യൽ മീഡിയയിൽ എന്തെങ്കിലും എഴുതിയാൽ നമ്മൾ വിചാരിക്കുക പോലും ചെയ്യാത്ത തരത്തിലേയ്ക്ക് അവ വളച്ചൊടിക്കപ്പെടും. 
ഇത്തരം പ്രചാരണങ്ങളോടു പ്രതികരിച്ചു മടുത്തു. പരിധി കടന്നാൽ നിയമപരമായി നേരിടും’ എന്ന് അമൃത പറയുന്നു.
‘കഴിഞ്ഞ ദിവസംകുറച്ചു തുണിത്തരങ്ങൾ വാങ്ങാൻ പോയിരുന്നു. അന്നത്തെ ചിത്രങ്ങളോ വിഡിയോകളോ പോസ്റ്റു ചെയ്താൽ ഞാൻ കല്യാണ സാരിയെടുക്കാനാണ് പോയതെന്നു പോലും പലരും പറയുകയും പ്രചരിപ്പിക്കുകയും ചെയ്‌തേക്കാം. എന്തിനാണ് വാസ്തവ വിരുദ്ധമായ ഇത്തരം കാര്യങ്ങൾ പ്രചരിപ്പിക്കുന്നതെന്ന് മനസിലാകുന്നില്ല’ എന്ന് അമൃത പ്രതികരിച്ചു നടൻ ബാലയും കഴിഞ്ഞ ദിവസം വ്യാജ വിവാഹ വാർത്തകൾക്കെതിരെ രംഗത്തെത്തിയിരുന്നു. ഇത് തന്റെ അവസാനത്തെ മുന്നറിയിപ്പാണെന്ന് ബാല താക്കീത് നൽകി.
