മലയാളികളുടെ പ്രിയപ്പെട്ട മിനിസ്‌ക്രീന്‍ നടനാണ് ആനന്ദ് നാരായണന്‍. കുടുംബവിളക്ക് എന്ന പരമ്പരയില്‍ ഡോക്ടര്‍ അനിരുദ്ധ് എന്ന കഥാപാത്രമായി തിളങ്ങി നില്‍ക്കുകയാണ് അദ്ദേഹം. 2014ല്‍ ഒരു പരമ്പരയിലൂടെയാണ് നടി അഭിനയ രംഗത്ത് എത്തുന്നത്. ഒരു ചാനല്‍ പരിപാടിയില്‍ അവതാരകനായിട്ടാണ് ആദ്യമായി ആനന്ദ് ക്യാമറയ്ക്ക് മുന്നിലെത്തുന്നത്. സോഷ്യല്‍ മീഡിയയിലും ഏറെ സജീവമാണ് നടന്‍. ഇപ്പോള്‍ വൈറലാകുന്നത് അടുത്തിടെ നടന്‍# പങ്കുവെച്ച ഒരു വീഡിയോയാണ്.
പലരും ഞങ്ങളോട് ചോദിച്ചിട്ട് ഉണ്ട് പഴയ ഫോട്ടോസ് ഒന്ന് പോസ്റ്റ് ചെയ്യുമൊന്നു, ഇതായിരുന്നു ഞങ്ങളുടെ ആ പഴയ കോലം. മാറ്റം കാലത്തിനു അനുസൃതം, എന്ന ക്യാപ്ഷന്‍ പങ്കുവച്ചുകൊണ്ടാണ് ആനന്ദ് തന്റെ പ്രിയതമയ്ക്ക് ഒപ്പമുള്ള വീഡിയോ പങ്ക് വച്ചത്. ഇരുവരുടെയും ചിത്രങ്ങള്‍ കണ്ട അമ്പരപ്പില്‍ ആണ് ആരാധകര്‍. പ്രിയപ്പെട്ടവര്‍ക്ക് പോലും മനസിലാക്കാന്‍ സാധിക്കാത്ത ലുക്കിലാണ് ഇരുവരും.
കുടുംബവിളക്ക് പരമ്പരയില്‍ നിന്നും നടന്‍ ശ്രീജിത്ത് വിജയ് പിന്മാറിയപ്പോള്‍ ആണ് അനിരുദ്ധ് എന്ന കഥാപാത്രത്തമായി ആനന്ദ് എത്തുന്നത്. ആദ്യത്തെ സീരിയലില്‍ താരത്തിന് അത്ര ശോഭിക്കാന്‍ കഴിഞ്ഞില്ല. എന്നാല്‍ പിന്നീട് കാണാകണ്മണി, എന്ന് സ്വന്തം ജാനി, അരുന്ധതി, തുടങ്ങിയ സീരിയലുകളിലൂടെ മുന്‍ നിര നായകന്മാരുടെ ഇടയിലേക്ക് താരം ഉയര്‍ന്നു.
