ടെലിവിഷന് അവതാരികയായി നമ്മുടെ എല്ലാം പ്രിയങ്കരിയായ താരമാണ് ആര്യ. ബഡായി ബംഗ്ലാവ് എന്ന പരിപാടിയിലൂടെയെത്തി മലയാളി മനസ്സുകള് കീഴടക്കിയ ആര്യ ഈ പ്രോഗ്രാമിന് പിന്നാലെ ചില സിനിമകളിലും അഭിനയിച്ചിട്ടുണ്ട്. അങ്ങനെ ടിവി ഷോകളിലും സിനിമകളിലും നിറഞ്ഞു നിന്ന സമയത്താണ് ആര്യ ബിഗ് ബോസ്സില് മത്സരാര്ത്ഥിയായി എത്തുന്നത്. ബിഗ്ബോസ്സിലും ആര്യ മികച്ച മത്സരാര്ത്ഥികളില് ഒരാളായിരുന്നു. മികച്ച പ്രകടനം കാഴ്ച വെച്ച ആര്യ തിരിച്ചു വന്നപ്പോഴും സോഷ്യല് മീഡിയയിലെല്ലാം തന്നെ സജീവമായിരുന്നു. സോഷ്യല് മീഡിയയിലൂടെ തന്റെ വിശേഷങ്ങളെല്ലാം പങ്കുവെക്കാറുള്ള ആര്യയ്ക്ക് പല ഭാഗത്ത് നിന്നും വലിയ വിമര്ശനങ്ങള് ഏറ്റു വാങ്ങേണ്ടി വന്നിട്ടുണ്ട്.
അതിനെല്ലാം ആര്യ ചുട്ട മറുപടിയും നല്കാറുണ്ട്. ബിഗ്ബോസിന് പിന്നാലെയായിരുന്നു ആര്യയ്ക്ക് സോഷ്യല് മീഡിയയില് നിരവധി ട്രോളുകളും വിമര്ശനങ്ങളും ഏറ്റുവാങ്ങേണ്ടിവന്നത്. ഇപ്പോഴിതാ തനിക്ക് ഏറ്റുവാങ്ങേണ്ടി വന്നിട്ടുള്ള വിമര്ശനങ്ങളെക്കുറിച്ചും അത്തരം കമന്റുകളെ താന് എങ്ങനെയാണ് നേരിട്ടത് എന്നുമാണ് ആര്യ വ്യക്തമാക്കിയിരിക്കുന്നത്. ഒരു ടെലിവിഷന് നല്കിയ അഭിമുഖത്തിലാണ് ആര്യ ഇക്കാര്യം വ്യക്തമാക്കിയിരിക്കുന്നത്. സൈബര് ആക്രമണങ്ങളെല്ലാം തന്നെ തനിക്കിപ്പോള് തന്റെ ജീവിതത്തിന്റെ ഭാഗമായി മാറിയിരിക്കുകയാണ്.
ഇപ്പോള് എല്ലാ ദിവസവും താനിതിനെ നേരിടാറുണ്ടെന്നും ഇത് തനിക്കിപ്പോള് പതിവായി മാറിയിരിക്കുകയാണ് എന്നുമാണ് ആര്യ വ്യക്താക്കുന്നത്.ബിഗ് ബോസിന് ശേഷം, ഞാന് എന്റെ മകളോടൊപ്പം ഒരു ചിത്രം പോസ്റ്റുചെയ്തിരുന്നുവെന്നും അതിന് താഴെ ഒരാള് മോശമായി കമന്റ് ചെയ്തുവെന്നും ആര്യ പറയുന്നു. അത് കണ്ട് താന് തകര്ന്നുപോയി. ഞാന് ഒരു കലാകാരിയാണെന്ന് ഞാന് സമ്മതിക്കുന്നു, പക്ഷേ അതിനര്ത്ഥം എനിക്ക് വ്യക്തിപരമായ ജീവിതം ഇല്ലെന്നല്ല. ഒരു കാഴ്ചക്കാരനെന്ന നിലയില്, നിങ്ങള് എന്നെ വെറുക്കാംപക്ഷേ അത് എന്റെ കുടുംബത്തെക്കുറിച്ച് സംസാരിക്കാനുള്ള അധികാരം നല്കുന്നില്ലെന്നും ആര്യ കൂട്ടിച്ചേര്ക്കുന്നു.