ഇടക്കാലത്തുണ്ടായ താരോദയങ്ങളിലൊന്നാണ് ആശാ ശരത്. മിനിസ്‌ക്രീനില്‍ വന്നതിനുശേഷം പിന്നീട് സിനിമിയില്‍ തിളങ്ങുകയാണ് താരം. നര്‍ത്തകിയായിരുന്ന ആശാ ശരത്ത് കുങ്കുമപ്പൂവ് എന്ന സീരിയലിലൂടെയാണ് ശ്രദ്ധിക്കപ്പെടുന്നത്. പിന്നീടി നിരവധി വേഷങ്ങളിലൂടെ മലയാള സിനിമയില്‍ തിളങ്ങുകയാണ്. ദൃശ്യം എന്ന സിനിമയിലെ ഐ.ജി. വേഷം ശ്രദ്ധിക്കപ്പെട്ടിരുന്നു. ദുബായില്‍ എഞ്ചിനീയറായി ജോലി ചെയ്യുന്ന ശരത്തിനെയാണ് ആശ വിവാഹം ചെയ്തിരിക്കുന്നത്. മൂത്ത സഹോദരനായ വേണുഗോപാലിന്റെ സുഹൃത്തായിരുന്നു ശരത്ത്. ശരത്തിന്റെ മാതാ പിതാക്കള്‍ നാസിക്കില്‍ സ്ഥിരതാമസക്കാരാണ്. അമ്മ മാനന്തവാടിക്കാരിയും അച്ഛന്‍ കണ്ണൂര്‍ കാരനും. ശരത്ത് മസ്‌കറ്റില്‍ ജോലി ചെയ്യുമ്പോഴാണ് വിവാഹം നടന്നത്. ഇവര്‍ക്ക് രണ്ട് കുട്ടികള്‍, ഉത്തരയും കീര്‍ത്തനയും.
ഭര്‍ത്താവും മകളും ഒപ്പമുണ്ടെങ്കിലും മറ്റൊരു മകള്‍ കാനഡയിലാണെന്നും സുഹൃത്തുക്കളും നൃത്തവിദ്യാലയത്തിലെ ജീവനക്കാരും ദുബായിലുമാണെന്ന കാര്യമാണ് താരം വ്യക്തമാക്കിയിരിക്കുന്നത്. ഗുരുവായൂര്‍ ക്ഷേത്രത്തിലെ ഉത്സവത്തിന് നൃത്തം ചെയ്യാന്‍ എത്തിയതാണ് ആശ ശരത്ത്.
‘ഈ അവസ്ഥയില്‍ താന്‍ തിരിച്ചു പോകാന്‍ ആലോചിക്കുന്നില്ല. അവിടെയുള്ളവരെ എങ്ങനെ തിരിച്ചെത്തിക്കാം എന്നതാണ് അലട്ടുന്നത്. ഗര്‍ഭിണികള്‍, തൊഴില്‍ നഷ്ടപ്പെട്ടവര്‍, പ്രായമായവര്‍ ഇവരെയൊക്കെ ആദ്യം പരിഗണിക്കും, തൊഴില്‍ ഇല്ലാത്ത ഒരുപാട് പേര്‍ ഗള്‍ഫില്‍ കുടുങ്ങി കിടക്കുന്നുണ്ട്. അങ്ങനെയുള്ള ആളുകള്‍ ആദ്യം വരട്ടെ.’
‘മകള്‍ കാനഡയില്‍ ഹോം ക്വാറന്റിനില്‍ ആണ്. ഒരു വീട്ടില്‍ മുറിയില്‍ ഇരിക്കുകയാണ് അവള്‍. എന്നുവരാന്‍ പറ്റും വിമാനസര്‍വീസ് എന്ന് തുടങ്ങും എന്നൊന്നും അറിയില്ല. അമ്മയെന്ന നിലയില്‍ വളരെ ബുദ്ധിമുട്ടുള്ള അവസ്ഥയിലൂടെയാണ് ഞാന്‍ കടന്നുപോകുന്നത്’ എന്ന് ആശാ ശരത്ത് മനോരമയോട് പറഞ്ഞു. ജീവിക്കാനുള്ള കുറച്ച് രൂപ മാറ്റി വച്ച് ബാക്കിയൊക്കെ നാട്ടിലേക്ക് അയക്കുന്ന പ്രവാസികള്‍ക്ക് സഹായം കിട്ടിയേ തീരു എന്നും താരം പറഞ്ഞു.
