തിരുവനന്തപുരം: കേരളത്തില് നാര്കോട്ടിക് ജിഹാദ് ശക്തമാകുന്നുണ്ടെന്ന പാലാ ബിഷപ്പിന്റെ ആരോപണം അന്വേഷിക്കണമെന്നും അദ്ദേഹത്തിന് സുരക്ഷ നല്കണമെന്നും ആവശ്യപ്പെട്ട് ബി.ജെ.പി സംസ്ഥാന ജനറല് സെക്രട്ടറി ജോര്ജ് കുര്യന് കേന്ദ്ര ആഭ്യന്തര മന്ത്രി അമിത്ഷായ്ക്ക് കത്തയച്ചു.
അപ്രിയ സത്യം തുറന്ന് പറഞ്ഞതിന്റെ പേരില് ജിഹാദികളും കോണ്ഗ്രസ്-സി.പി.എം ഉള്പ്പെടെയുള്ള കപടമതേതര പാര്ട്ടികളും ബിഷപ്പിനെ വളഞ്ഞിട്ടാക്രമിക്കുകയാണ്. കേരളത്തിലെ പ്രതിപക്ഷവും ഭരണപക്ഷവും ബിഷപ്പിനെതിരെ നീങ്ങുകയാണ്. ഇത് കണക്കിലെടുത്ത് ബിഷപ്പിനും ക്രൈസ്തവ വിശ്വാസികള്ക്കും സുരക്ഷ ഒരുക്കണം.
ലൗ ജിഹാദിനെ പോലെ നാര്കോട്ടിക് ജിഹാദും യാഥാര്ഥ്യമാണ്. അമുസ്ലിങ്ങളെ ലക്ഷ്യമിട്ട് ഇത്തരം സംഘങ്ങള് പ്രവര്ത്തിക്കുന്നുണ്ടെന്നും ജോര്ജ് കുര്യന് കത്തില് പറഞ്ഞു.