കൊവിഡ് വാക്സിനേഷന് ഫൈനല് സര്ട്ടിഫിക്കറ്റില് ഒന്നാം ഡോസിന്റെയും രണ്ടാം ഡോസിന്റേയും ബാച്ച് നമ്ബരും തീയതിയും ഉള്പ്പെട്ട സര്ട്ടിഫിക്കറ്റ് ലഭ്യമായി തുടങ്ങിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു.ഇതുകൂടാതെ പല കാരണങ്ങള് കൊണ്ട് കൊവിഡ് വാക്സിനേഷന് സര്ട്ടിഫിക്കറ്റില് തെറ്റ് പറ്റിയവര്ക്ക് തെറ്റ് തിരുത്താനും സാധിക്കും.
തെറ്റ് തിരുത്താന് ഒരേയൊരു അവസരം
കൊവിഡ് സര്ട്ടിഫിക്കറ്റിലെ തെറ്റുതിരുത്തുന്നവര് സൂക്ഷ്മതയോടെ ചെയ്യണം. ഇപ്പോഴുള്ള അവസരം വളരെ ശ്രദ്ധിച്ച് വിനിയോഗിക്കുക. ഇനിയും തെറ്റുപറ്റിയാല് പിന്നെ ഒന്നും ചെയ്യാനുള്ള അവസരം ലഭ്യമല്ല.
സര്ട്ടിഫിക്കറ്റില് എങ്ങനെ തെറ്റുതിരുത്താം?
ആദ്യമായി കോവിന് വെബ്സൈറ്റിലെ ഈ ലിങ്കിലേക്ക് (https://selfregistration.cowin.gov.in) പോകുക. വാക്സിനേഷനായി രജിസ്റ്റര് ചെയ്തപ്പോള് നല്കിയ ഫോണ് നമ്ബര് നല്കി ഗെറ്റ് ഒ.ടി.പി. ക്ലിക്ക് ചെയ്യുക. ലഭിക്കുന്ന ഒ.ടി.പി. നമ്ബര് അവിടെ ടൈപ്പ് ചെയ്ത് ക്ലിക്ക് ചെയ്യുമ്ബോള് രജിസ്റ്റര് ചെയ്തവരുടെ വിവരങ്ങള് വരും.
സര്ട്ടിഫിക്കറ്റില് തെറ്റുപറ്റിയവര് വലതുവശത്ത് മുകളില് കാണുന്ന റെയ്സ് ആന് ഇഷ്യുവില് (Raise an Issue) ക്ലിക്ക് ചെയ്യുക. കറക്ഷന് ഇന് മൈ സര്ട്ടിഫിക്കറ്റ്, മെര്ജ് മൈ മള്ട്ടിപ്പിള് ഡോസ്, ആഡ് മൈ പാസ്പോര്ട്ട് ഡീറ്റേല്സ്, റിപ്പോര്ട്ട് അണ്നോണ് മെമ്ബര് രജിസ്ട്രേഡ് തുടങ്ങിയ ഓപ്ഷനുകള് കാണിക്കും.
സര്ട്ടിഫിക്കറ്റില് തെറ്റ് തിരുത്താന്
പേര്, വയസ്, സ്ത്രീയോ പുരുഷനോ, ഫോട്ടോ ഐഡി നമ്ബര് എന്നിവ തിരുത്താന് കറക്ഷന് ഇന് മൈ സര്ട്ടിഫിക്കറ്റ് ക്ലിക്ക് ചെയ്യുക. മതിയായ തിരുത്തലുകള് വരുത്തി സബ്മിറ്റ് ചെയ്യാവുന്നതാണ്.
വെവ്വേറെ രണ്ട് ആദ്യ ഡോസ് പ്രൊവിഷണല് സര്ട്ടിഫിക്കറ്റ് ലഭിച്ചാല്
രണ്ട് ഡോസിനും വെവ്വേറെ ആദ്യ ഡോസ് പ്രൊവിഷണല് സര്ട്ടിഫിക്കറ്റ് ലഭിച്ചവര് ഫൈനല് സര്ട്ടിഫിക്കറ്റിനായി മെര്ജ് മൈ മള്ട്ടിപ്പിള് ഡോസില് ക്ലിക്ക് ചെയ്ത് ശേഷം ഒരുമിപ്പിക്കേണ്ട രണ്ട് സര്ട്ടിഫിക്കറ്റുകളുടെ വിവരങ്ങള് നല്കി സബ്മിറ്റ് ചെയ്യേണ്ടതാണ്.
പാസ്പോര്ട്ട് നമ്ബര് ചേര്ക്കാന്
ആഡ് മൈ പാസ്പോര്ട്ട് ഡീറ്റേല്സ് എന്ന ഓപ്ഷനില് ക്ലിക്ക് ചെയ്ത് പാസ്പോര്ട്ട് നമ്ബര് തെറ്റാതെ ചേര്ക്കേണ്ടതാണ്.
മറ്റൊരാള് നമ്മുടെ നമ്ബരില് രജിസ്റ്റര് ചെയ്താല്
നമ്മുടെ മൊബൈല് നമ്ബര് ഉപയോഗിച്ച് ആരെങ്കിലും സര്ട്ടിഫിക്കറ്റെടുത്തിട്ടുണ്ടെന്ന് അക്കൗണ്ട് ഡീറ്റൈല്സില് കാണിച്ചാല് റിപ്പോര്ട്ട് അണ്നോണ് മെമ്ബര് രജിസ്ട്രേഡ് എന്ന ഓപ്ഷനില് ക്ലിക്ക് ചെയ്ത് പരിചയമില്ലാത്തയാളെ ഡിലീറ്റ് ചെയ്ത് ഒഴിവാക്കാവുന്നതാണ്.
ബാച്ച് നമ്ബരുള്ള ഫൈനല് സര്ട്ടിഫിക്കറ്റ് ലഭിക്കാന്
വാക്സിന് നല്കിയ തീയതിയും ബാച്ച് നമ്ബരും ഉള്ള ഫൈനല് സര്ട്ടിഫിക്കറ്റ് ലഭിക്കാന് കോവിന് വെബ്സൈറ്റിലെ (https://selfregistration.cowin.gov.in) ലിങ്കില് പോയി ഒ.ടി.പി. നമ്ബര് നല്കി വെബ് സൈറ്റില് കയറുക. അപ്പോള് അക്കൗണ്ട് ഡീറ്റൈല്സില് രജിസ്റ്റര് ചെയ്തവരുടെ പേര് വിവരങ്ങള് കാണിക്കും. അതിന് വലതുവശത്തായി കാണുന്ന സര്ട്ടിഫിക്കറ്റ് ക്ലിക്ക് ചെയ്ത് സര്ട്ടിഫിക്കറ്റ് ഡൗണ്ലോഡ് ചെയ്യാവുന്നതാണ്. ഇതിന് മറ്റ് വിവരങ്ങള് നല്കേണ്ടതില്ല.
ഒരു മൊബൈല് നമ്ബരില് നിന്നും 4 പേരെ രജിസ്റ്റര് ചെയ്യാന് സാധിക്കുന്നതാണ്. അതിനാല് നാലു പേരുടേയും വിവരങ്ങള് ഇതുപോലെ തിരുത്താനോ സര്ട്ടിഫിക്കറ്റ് ഡൗണ്ലോഡ് ചെയ്യാനോ സാധിക്കും.