നടി ആക്രമിക്കപ്പെട്ട കേസില് നടന് ദിലീപിന്റെ സഹോദരി ഭര്ത്താവ് സുരാജ് സാക്ഷികള്ക്ക് പണം കൈമാറിയതിന്റെ തെളിവുകള് അന്വേഷണ സംഘത്തിന് ലഭിച്ചു. സാക്ഷികളെ സ്വാധീനിക്കാന് സുരാജ് വഴി പണം നല്കിയതായാണ് കണ്ടെത്തല്. ഡിജിറ്റല് പണമിടപാടുകളുടെ വിവരങ്ങളും അന്വേഷണ സംഘത്തിന് ലഭിച്ചു. പ്രമുഖ അഭിഭാഷകന് വഴിയും സാക്ഷികളെ സ്വാധീനിക്കാന് ശ്രമിച്ചതായി അന്വേഷണ സംഘത്തിന് സൂചന ലഭിച്ചിട്ടുണ്ട്.
അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് ഫോണ് കോള് റെക്കോര്ഡുകള് അന്വേഷണ സംഘം പരിശോധിക്കും . ദിലീപടക്കം അഞ്ച് പ്രതികളുടെ ഫോണ് വിളിയുടെ വിശദാംശങ്ങളാണ് ശേഖരിക്കുക. ഒരാഴ്ചത്തെ ഫോണ് കോളുകളാണ് പരിശോധിക്കുന്നത്. സാക്ഷികള് ഉള്പ്പെടെ ഇവര് ആരെയൊക്കെ ബന്ധപ്പെട്ടുവെന്നും അന്വേഷിക്കും.
ഇതിനിടെ നടിയെ ആക്രമിച്ച കേസിലെ അന്വേഷണ ഉദ്യോ?ഗസ്ഥനെ അപായപ്പെടുത്താന് ?ഗൂഢാലോചന നടത്തിയെന്ന കേസില് രണ്ടാം ദിവസത്തെ ചോദ്യം ചെയ്യലിനായി ദിലീപ് ക്രൈംബ്രാഞ്ച് ഓഫിസിലെത്തി. ഇന്നലെ നടന്ന ചോദ്യം ചെയ്യലില് പ്രതികള് പറഞ്ഞ മൊഴികളില് വൈരുദ്ധ്യമുള്ളതായാണ് റിപ്പോര്ട്ട്. മൊഴിയിലെ വൈരുധ്യങ്ങള് അടക്കമുള്ള കാര്യങ്ങള് ചൂണ്ടിക്കാട്ടിയാകും ക്രൈം ബ്രാഞ്ചിന്റെ ഇന്നത്തെ ചോദ്യം ചെയ്യല്. പ്രതികളുടെ മൊഴിയിലെ വൈരുദ്ധ്യങ്ങള് അടക്കം പരിശോധിച്ച് പ്രതികളെ ഒരുമിച്ച് ഇരുത്തിയും ചോദ്യം ചെയ്യും. ദിലീപിന്റെ സഹോദരി ഭര്ത്താവ് സൂരജില് നിന്ന് കൂടുതല് മൊഴി വിവരങ്ങള് ശേഖരിക്കാനാണ് ക്രൈംബ്രാഞ്ച് തീരുമാനം. സുരാജ് നടത്തിയ പണം ഇടപാടുകള് അടക്കമുള്ള തെളിവുകളുടെ അടിസ്ഥാനത്തിലുള്ള ചോദ്യം ചെയ്യലും ഇന്ന് ഉണ്ടാകും.