Home health കടലാമയുടെ ഇറച്ചി കഴിച്ചു, ഒമ്പത് മരണം, എട്ട് പേർ കുട്ടികൾ, 78 പേർ ആശുപത്രിയിൽ

കടലാമയുടെ ഇറച്ചി കഴിച്ചു, ഒമ്പത് മരണം, എട്ട് പേർ കുട്ടികൾ, 78 പേർ ആശുപത്രിയിൽ

നെയ്റോബി : കടലാമയുടെ ഇറച്ചി കഴിച്ച എട്ട് കുട്ടികളടക്കം ഒമ്പത് പേർ മരിച്ചു. സാൻസിബാർ ദ്വീപസമൂഹത്തിലെ പെംബ ദ്വീപിലാണ് അതിദാരുണമായ സംഭവം നടന്നത്. മാർച്ച് അഞ്ചിന് നടന്ന സംഭവത്തിന്റെ കൂടുതൽ വിവരങ്ങൾ കഴിഞ്ഞ ദിവസമാണ് പുറത്തുവന്നത്. കടലാമയുടെ ഇറച്ചി കഴിച്ച
78 പേർ ആശുപത്രിയിൽ ചികിത്സയിലാണ്.

മരിച്ചവർ കടലാമയുടെ ഇറച്ചി കഴിച്ചിരുന്നുവെന്ന് പരിശോധനയിലൂടെ സ്ഥിരീകരിച്ചിട്ടുണ്ടെന്ന് എംകോനിയിലെ മെഡിക്കൽ ഓഫീസറായ ഡോ. ഹാജി ബക്കാരി അറിയിച്ചു. ഇതുമൂലമുണ്ടായ ചെലോനിടോക്സിസം (കടലാമകളുടെ ഇറച്ചി കഴിക്കുന്നത് മൂലമുണ്ടാകുന്ന ഭക്ഷ്യബാധ) കാരണമാണ് മരണം സംഭവിച്ചതെന്നാണ് സ്ഥിരീകരണം.

കടലാമകൾ കഴിക്കുന്ന വിഷാംശമുളള ആൽഗകൾ കാരണമാകാം ഇത് സംഭവിച്ചിട്ടുളളതെന്ന് ടർട്ടിൽ ഫൗണ്ടേഷൻ ചാരി​റ്റി സംഘടന റിപ്പോർട്ട് ചെയ്തിട്ടുണ്ട്. കടലാമയുടെ ഇറച്ചി ഉപയോഗിച്ച് തയ്യാറാക്കിയ വിഭവങ്ങൾ പെംബ ജനങ്ങൾക്ക് പ്രിയപ്പെട്ടതാണ്. 2021ലും ഇവിടെ സമാന സംഭവം ഉണ്ടായിരുന്നു.