ന്യൂഡൽഹി ∙ ഇന്ത്യൻ വംശജയായ പ്രമുഖ കനേഡിയൻ ടിക് ടോക് താരം മേഘ താക്കൂർ (21) അന്തരിച്ചു. സമൂഹമാധ്യമങ്ങൾ വഴി കുടുംബാംഗങ്ങൾ ആണ് മരണവിവരം അറിയിച്ചത്. എന്നാൽ മരണകാരണം വെളിപ്പെടുത്തിയിട്ടില്ല. നവംബർ 24ന് രാവിലെയായിരുന്നു മരണം എന്നും ‘പെട്ടെന്നും അപ്രതീക്ഷിതവുമായ മരണം’ എന്നുമാണ് കുടുംബം പറഞ്ഞിരിക്കുന്നത്.
‘‘ഞങ്ങളുടെ ജീവിതത്തിലെ കരുതലും വെളിച്ചവുമായ മകൾ മേഘ വിടപറഞ്ഞി രിക്കുന്നു. ആത്മവിശ്വാസവും സ്വതന്ത്രയുമായ യുവതിയായിരുന്ന അവളെ വല്ലാതെ മിസ് ചെയ്യും. അവളുടെ വിയോഗം ആരാധകരെ അറിയിക്കണമെന്നുണ്ടായിരുന്നു. ഈ അവസരത്തിൽ അവളെ അനുഗ്രഹിക്കണം. അവളുടെ യാത്രയിൽ നിങ്ങളുടെ പ്രാത്ഥനകൾ ഉണ്ടാകണം” – കുടുംബം ഇന്‍സ്റ്റഗ്രാം പോസ്റ്റിൽ പറഞ്ഞിരിക്കുന്നു.
മാതാപിതാക്കൾ ഇന്ത്യയിൽനിന്നു കാനഡയിലേക്ക് മാറുമ്പോൾ മേഘ്ക്ക് ഒരു വയസായിരുന്നു പ്രായം. 2019ൽ മേഫീൽഡിൽ ഹയർ സെക്കൻഡറി പഠനം പൂർത്തിയാക്കിയ മേഘ, വെസ്റ്റേണ്‍ യൂണിവേഴ്സിറ്റിയില്‍ ബിരുദപഠനത്തിനു ചേർന്നു. ഈ സമയത്താണ് ടിക്ടോക്കിൽ സജീവമാവുന്നത്. ടിക് ടോക്കിൽ 9,30,000 ഫോളോവേഴ്സ് ഉള്ള മേഘ, ബോഡി പോസിറ്റിവിറ്റി പ്രോത്സാഹിപ്പിക്കുന്നതിൽ പ്രശസ്തയായിരുന്നു. നിരവധി ഡാൻസ് വിഡിയോയും മേഘ പങ്കുവച്ചിരുന്നു. ഇൻസ്റ്റഗ്രാമിൽ മേഘ്ക്ക് 1,00,000 ഫോളോവേഴ്സ് ഉണ്ടായിരുന്നു.
View this post on Instagram
