ഒറ്റ പ്രസവത്തില് നാല് കുട്ടികള് കേള്ക്കുമ്പോള് കുറച്ച് അതിശയോക്തി തോന്നിയേക്കാം… എന്നാല് മാവേലിക്കര സ്വദേശികളായ രതീഷിനും സൗമ്യക്കും അത് അതിശയോക്തിയല്ല യാഘാര്ത്ഥ്യമാണ്. 2018 മെയ് മാസത്തിലാണ് നാല് പെണ്കുട്ടികളെന്ന സൗഭാഗ്യം ഇവരെത്തേടിയെത്തുന്നത്. ഒരു കുഞ്ഞിനെ തന്നെ നോക്കുവാന് വളരെ കഷ്ടപ്പാട് ആയിരിക്കും, ആ സമയത്ത് നാലു കുഞ്ഞുങ്ങളെ എങ്ങനെ വളര്ത്തുന്നുവെന്ന് ആലോചിക്കുമ്പോള് കാണുന്നവര്ക്ക് അതിശയം മാത്രമേ തോന്നുകയുള്ളൂ.
അദ്രിക, ആത്മിക, അനാമിക, അവനിക എന്നീ നാല് പെണ്മക്കള് ജനിച്ചത്. ഇവര് ജനിക്കുന്നതിനു മുന്പ് വളരെ വിഷമകരമായ സാഹചര്യത്തിലൂടെയായിരുന്നും രതീഷും സൊമ്യയും കടന്നുപോയത്. സൗമ്യ ആദ്യം ഗര്ഭിണി ആവുകയും പിന്നീട് ഒമ്പതാം മാസത്തില് ആ കുഞ്ഞിനെ നഷ്ടപ്പെടുകയും ചെയ്തു. കുട്ടി നഷ്ടപ്പെട്ടതോടെ തുടര്ന്ന് സൗമ്യ ആകെ തളര്ന്നു, അവളെ കൂടുതല് തളര്ത്തിയത് ബന്ധുക്കളുടെയും നാട്ടുകാരുടെയും കുത്തുവാക്കുകള് ആയിരുന്നു. പിന്നീട് കുറച്ചു നാളുകള്ക്ക് ശേഷം ആണ് സൗമ്യ വീണ്ടും ഗര്ഭിണിയായത്., ഒന്നിനെ ദൈവം എടുത്തപ്പോള് പകരം നാലു കുഞ്ഞുങ്ങളെയാണ് ദൈവം തനിക്കു നല്കാന് പോകുന്നത് എന്ന് അറിഞ്ഞപ്പോള് അവര്ക്ക് സന്തോഷവും ഒപ്പം വല്ലാത്തൊരു ഉല്ക്കണ്ഠയും തോന്നിയിരുന്നു.ഗര്ഭിണിയായപ്പോള് ഒരുപാട് കഷ്ടതകള് സൗമ്യ അനുഭവിച്ചു, നാല് കുഞ്ഞുങ്ങള് ആയതു കൊണ്ടുതന്നെ ഗര്ഭപാത്രത്തില് സ്റ്റിച്ച് ഇടുകയും, ശരീരഭാരം കൂടി വന്നതോടെ ചോറ് ഒഴിവാക്കേണ്ടി വരുകയും പിന്നീട് പച്ചക്കറികളും പഴങ്ങളും മാത്രം കഴിച്ചു ജീവിക്കേണ്ടി വന്നു. ഒടുവില് നാലു കുഞ്ഞുങ്ങളും സുരക്ഷിതരായി ജനനം കൊണ്ടപ്പോള് ഇത്രയുംകാലം അനുഭവിച്ച കഷ്ടപ്പാട് എല്ലാം തന്നെ അവര്ക്ക് മാറിക്കിട്ടി.
നാലു കുഞ്ഞുങ്ങളെ നോക്കുവാന് ബുദ്ധിമുട്ട് അല്ലേ എന്ന് ചോദിക്കുന്നവരോട്, കുഞ്ഞുങ്ങള് ഒരിക്കലും അവള്ക്ക് ബുദ്ധിമുട്ടല്ല എന്നും, ഇതൊന്നും അവള്ക്ക് ജോലിയായി തോന്നുകയില്ല എന്നുമാണ് സൗമ്യയുടെ മറുപടി.