കോഴിക്കോട്: യുവതിയെ വീട്ടില്‍ പൊള്ളലേറ്റു മരിച്ച നിലയില്‍ കണ്ടെത്തിയ സംഭവത്തില്‍ ഭര്‍ത്താവ് അറസ്റ്റില്‍. പുതിയാപ്പ ചെട്ടിപറമ്ബത്ത് താഴത്ത് ശങ്കരനിലയത്തില്‍ ശരണ്യ (29) മരിച്ച കേസിലാണ് ഭര്‍ത്താവ് ലിനീഷിനെ ടൗണ്‍ അസി. കമീഷണര്‍ പി. ബിജുരാജ് അറസ്റ്റ് ചെയ്തത്.
നവംബര്‍ 13നാണ് ശരണ്യയെ മരിച്ചനിലയില്‍ കണ്ടെത്തിയത്. വെള്ളയില്‍ പൊലീസ് അസ്വാഭാവിക മരണത്തിന് കേസെടുത്ത് അന്വേഷണമാരംഭിച്ചിരുന്നു. അതിനിടെ ലിനീഷാണ് മരണത്തിന് ഉത്തരവാദിയെന്ന് കാട്ടി യുവതിയുടെ കുടുംബവും പരാതി നല്‍കി. ശരണ്യ മരിച്ച്‌ ഒമ്ബതു ദിവസത്തിനുശേഷം അതേ വീട്ടില്‍ താമസിച്ചിരുന്ന ബന്ധു ജാനകിയെ കിണറ്റില്‍ മരിച്ച നിലയില്‍ കണ്ടെത്തിയിരുന്നു.
ശരണ്യയുടെ മരണത്തിലെ ദൃക്‌സാക്ഷിയാണ് മരിച്ച ജാനകിയെന്നാണ് ആരോപണം. സംഭവത്തില്‍ വിശദമായ അന്വേഷണം തുടരുകയാണെന്ന് പൊലീസ് അറിയിച്ചു. പ്രതിയെ റിമാന്‍ഡ് െചയ്തു.
