കശ്മീരില് സ്ഥിതി കൂടുതല് രൂക്ഷമാകുന്നതിനിടെ കേന്ദ്ര ആഭ്യന്തര മന്ത്രി അമിത് ഷാ ഉന്നതതല യോഗം വിളിച്ചു. ദേശീയ സുക്ഷാ ഉപദേഷ്ടാവ് അജിത് ഡോവല്, ആഭ്യന്തര സെക്രട്ടറി എന്നിവര് യോഗത്തില് പങ്കെടുക്കുന്നുണ്ട്.
കശ്മീരില് കേന്ദ്രസര്ക്കാര് സുരക്ഷ കര്ശനമാക്കുന്നതിനിടെയാണ് ഷാ യോഗം വിളിച്ചിരിക്കുന്നത്. യോഗത്തിന് ശേഷം ഇതുമായി ബന്ധപ്പെട്ട കൂടുതല് വിവരങ്ങള് പുറത്ത് വരുമെന്നാണ് റിപ്പോര്ട്ട്.
അതേസമയം, അമിത് ഷാ ജമ്മുകശ്മീര് സന്ദര്ശനം നടത്തുമെന്ന വാര്ത്തകളും പുറത്ത് വരുന്നുണ്ട്. പാര്ലമെന്റ് സമ്മേളനത്തിന് ശേഷം കശ്മീരിലെത്താനാണ് അമിത് ഷായുടെ പദ്ധതി. കശ്മീരിലെ കേന്ദ്ര സര്ക്കാറിന്െറ നടപടികള്ക്കെതിരെ പാര്ലമെന്റില് പ്രതിപക്ഷം പ്രതിഷേധം ഉയര്ത്താനിരിക്കേയാണ് നിര്ണായക യോഗം.
കശ്മീരില് ഭീകരാക്രമണ ഭീഷണിയെ തുടര്ന്ന് കേന്ദ്രസര്ക്കാര് സുരക്ഷ കൂടുതല് കര്ശനമാക്കിയിരുന്നു. വിനോദ സഞ്ചാരികളോടും അമര്നാഥ് തീര്ഥാടകരോടും കശ്മീര് വിടാനും സര്ക്കാര് നിര്ദേശം നല്കിയിരുന്നു.