മാമാങ്കം നടി വിവാഹിതയാവുന്നു, വിവാഹത്തിനെത്തുന്ന ഓരോരുത്തരുടേയും ആരോഗ്യം തനിക്ക് പ്രധാനപ്പെട്ടത്- പ്രാചി തെഹ്ലാൻ

മമ്മൂട്ടി നായകനായെത്തിയ മാമാങ്കം എന്ന ചിത്രത്തിലൂടെ പ്രേക്ഷകർക്ക് പ്രീയങ്കരിയായ താരമാണ് പ്രാചി തെഹ്ലാൻ. ഇപ്പോളിതാ താരം ആരാധകരിലേക്ക് ഒരു സന്തോഷ വാർത്ത എത്തിച്ചിരിക്കുകയാണ്യ എട്ടുകൊല്ലത്തെ പ്രണയം പൂർത്തിയാകാൻ പോകുവാണെന്നാണ് താരം പറയുന്നത്. ഡൽഹി സ്വദേശിയായ ബിസിനസുകാരൻ രോഹിത് സരോഹയാണ് പ്രാചിയുടെ വരൻ.

2012 മുതൽ ഇരുവരും പ്രണയത്തിലായിരുന്നു. ഓഗസ്റ്റ് ഏഴിന് ഡൽഹിയിൽ വെച്ചാണ് വിവാഹം. കോവിഡ് സാഹചര്യത്തിൽ എല്ലാ വിധ മുൻകരുതലോടെയാകും ചടങ്ങുകൾ നടക്കുന്നതെന്ന് നടി വ്യക്തമാക്കി. വിവാഹ നിശ്ചയവും വിവാഹവും ഒരേ ദിവസം തന്നെയായിരിക്കും.

വിവാഹ നിശ്ചയം രാവിലെയും വിവാഹം വൈകിട്ടുമായിരിക്കും നടക്കുക. ചടങ്ങിൽ പങ്കെടുക്കാൻ ഏറ്റവും അടുത്ത 50 പേരെയാണ് ക്ഷണിച്ചിട്ടുള്ളത്. അതിഥികളോട് മാസ്‌ക് ധരിക്കാൻ ആവശ്യപ്പെട്ടിട്ടുണ്ടെന്നും വിവാഹ വേദിയിലും മാസ്‌കും സാനിറ്റൈസറുമുണ്ടായിരിക്കുമെന്നും പ്രാചി അറിയിച്ചു.

 

View this post on Instagram

 

Yes!! It’s happening!! Someone rightly said marriages are made in heaven. If you asked me few months back.. I would have said.. marriage isn’t on the cards.. !! And here I am .. super excited for 7th August 2020.😃 Have been receiving so many DMs asking whom am I wearing on my big day! It’s none other than a classy elegant ‘lehenga’ by @sahilkochharofficial ❤️ I fell in love with the outfit at first sight and it represents me as a person! 😍 Super Excited ❤️ PS- Final Outfit will be revealed only on the 7th 😜😍 #shaadikalehenga #PrachiwedsRohit #sahilkochhardesigns #weddingoutfit #designerwear #sahilkochharcouture ________________________ @wfivecommunication

A post shared by PRACHI TEHLAN (@prachitehlan) on

വിവാഹത്തിനെത്തുന്ന ഓരോരുത്തരുടേയും ആരോഗ്യം തനിക്ക് പ്രധാനപ്പെട്ടതാണെന്നും അതിനാൽ വലിയ വേദിയാണ് ബുക്ക് ചെയ്തിരിക്കുന്നതെന്നും പ്രാചി പറയുന്നു. അതിഥികൾ കൂട്ടമായി എത്താതിരിക്കാൻ 30 മിനുറ്റിന്റെ ഇടവേളകളിൽ എത്താനാണ് അറിയിച്ചിരിക്കുന്നതെന്നും പ്രാചി വ്യക്തമാക്കി.

എല്ലാ സുരക്ഷാ മനാദണ്ഡങ്ങളും പാലിച്ച്‌ വിവാഹത്തിന്റെ ആഘോഷങ്ങളെല്ലാം ഓഗസ്റ്റ് മൂന്ന് മുതൽക്കു തന്നെ തുടങ്ങുമെന്നും താരം അറിയിച്ചു. 2010ലെ ഡൽഹി കോമൺവെൽത്ത് ഗെയിംസിൽ ഇന്ത്യൻ വനിതാ നെറ്റ്‌ബോൾ ടീമിന്റെ ക്യാപ്റ്റൻ കൂടിയായിരുന്നു പ്രാചി. ബാസ്‌കറ്റ്‌ബോളിൽ ദേശീയ സബ്ജൂനിയർ താരമായിരുന്നു.