മലയാളികളുടെ പ്രിയപ്പെട്ട നടനാണ് മണിക്കുട്ടന്. മലയാളം ബിഗ്ബോസ് സീസണ് മൂന്നിലെ വിജയി ആയിരുന്നു താരം. തന്റെ ജീവിത സാഹചര്യത്തെ കുറിച്ചും കുടുംബത്തെ കുറിച്ചുമൊക്കെ മണിക്കുട്ടന് ഷോയില് തുറന്ന് പറഞ്ഞിരുന്നു. സോഷ്യല് മീഡിയയിലും സജീവമായ നടന്റെ പുതിയ സോഷ്യല് മീഡിയ കുറിപ്പാണ് ശ്രദ്ധേയമാകുന്നത്. മതമല്ല മനുഷ്യനാണ് വലുതെന്ന് തന്നെ പഠിപ്പിച്ച പ്രിയ അധ്യാപിക സിസ്റ്റര് ലൗലിയെ കുറിച്ചാണ് മണിക്കുട്ടന്റെ കുറിപ്പ്.
എന്റെ സ്കൂള് വിദ്യാഭ്യാസ കാലഘട്ടത്തില് മതം എന്ന വാക്കിനപ്പുറം മനുഷ്യനാണ് വലുതെന്നും, മനുഷ്യത്വത്തിനു സ്ഥാനമുണ്ട് എന്നും അറിവ് നല്കിയ എന്റെ ആദ്ധ്യാത്മിക ഗുരു, സിസ്റ്റര് ലൗലി.ബിഗ് ബോസ്സ് പോലുള്ള വലിയ മത്സരങ്ങളെ ഞാന് നേരിടുമ്പോള് ‘ഞങ്ങള് പഠിപ്പിച്ച കുട്ടിയാണ് എന്ന് ‘ മറ്റുള്ളവരോട് അഭിമാനത്തോടെ പറയാന് കഴിഞ്ഞു എന്നറിഞ്ഞതില് ഞാന് ഏറ്റവും സന്തോഷിക്കുന്നു.
ഇന്നും എന്റെ ജീവിതത്തിലെ ഓരോ ഘട്ടങ്ങളും ഞാന് പിന്നിട്ടു മുന്നേറുമ്പോള് പ്രിയപ്പെട്ട സിസ്റ്റര് അന്നും ഇന്നും എന്നും എനിക്ക് പ്രചോദനം തന്നെയാണ്. സിസ്റ്റര് ലൗലി എന്നെ കാണാനായി ഇറ്റലിയില് നിന്നും വന്നു രണ്ടു ദിവസത്തിനുള്ളില് തിരികെ പോകും. സിസ്റ്ററോടൊപ്പം ഒരു സ്നേഹ ചിത്രം എന്ന കുറിപ്പോടെയായാണ് മണിക്കുട്ടന് ചിത്രം പങ്കുവെച്ചത്. എംകെ, മണിക്കുട്ടന്, പോസിറ്റീവ് വൈബ്സ് എന്ന ഹാഷ് ടാഗുമുണ്ടായിരുന്നു.
നിരവധി കമന്റുകളാണ് പോസ്റ്റിന് ലഭിക്കുന്നത്. ജീവിക്കാന് ഒരു മതവും ജാതിയും വേണമെന്നില്ല. ഒരു ദൈവവും പറയുന്നില്ല നിങ്ങള് ഈ മതത്തില് വിശസിക്കണമെന്ന്. ഒരു ദൈവവും പറയുന്നില്ല, നിങ്ങള് ഒരു പണിയും ചെയ്യണ്ട ഞാന് എല്ലാ സുഖസൗകര്യങ്ങളും ചെയ്തു തരാമെന്ന്. കൊറോണ മഹാമാരി വന്നപ്പോള്, പ്രളയം വന്നപ്പോള്. ഈ അവസരത്തില് മതമെന്ന മതില് എത്രത്തോളം ഉണ്ടായിരുന്നുവെന്ന് നമുക്ക് അറിയാവുന്നതാണ്. എങ്കിലും ചില മനുഷ്യര് സ്വയം ദൈവമാവുന്നു. അവര്ക്കു പോലും അറിയാത്തത്, ഉറപ്പില്ലാത്ത് പറഞ്ഞു പരത്താന്. മനുഷ്യനാവണം. സ്വയം മതമാകരുത്. ചേട്ടന്റെ കൂടെ എന്നും മാതാപിതാക്കളുടെയും അദ്ധ്യാപകരുടെയും അനുഗ്രഹമുണ്ടാവു0. ഞങ്ങളെപ്പോലെയുള്ള ആരാധകരുടെ പ്രാര്ത്ഥനയുമെന്നായിരുന്നു തുടങ്ങിയാണ് കമന്റുകള്.