കേരളത്തിൽ ഒരു വൈദീകനു കൊലപാതക കുറ്റത്തിൽ കോടതി വധ ശിക്ഷക്ക് വിധിക്കുക. കത്തോലിക്കാ സഭയുടെയും ഇതര ക്രിസ്ത്യൻ സഭകളുടെയും ഭാരതത്തിലെ ചരിത്രത്തിൽ ആദ്യം ആയിരുന്നു ഈ വിധി വന്നിരുന്നത്.മേരിക്കുട്ടി എന്ന നേഴ്‌സിനെ കൊന്ന കേസില്‍ 1988ല്‍ കൊല്ലം ജില്ലാ കോടതി ഫാദര്‍ ആന്റണി ലാസ്സറിന് വധശിക്ഷ വിധിക്കുകയായിരുന്നു. 
(മേരിക്കുട്ടിയെ വധിച്ചത് ഇങ്ങിനെ ! വാർത്തയുടെ അവസാന ഭാഗം വരെ വായിക്കുക.) എന്നാൽ ഈ കൊലയാളി വൈദീകൻ ഇപ്പോളും ളോഹയിട്ട് കുഞ്ഞാടുകളേ മേയ്ക്കലും, പരിശുദ്ധ കുർബാന ചെല്ലലും, ക്രിസ്തുവിന്റെ തിരുരക്തവും മാംസവും ആയ അപ്പവും വീഞ്ഞും എടുത്ത് ആശീർവദിക്കലും എല്ലാം ചെയ്യുന്നു. വധ ശിക്ഷക്ക് വിധിച്ച മേരിക്കുട്ടിയെ കൊലപ്പെടുത്തിയ ഫാ ആന്റണി ലാസർ ഹൈക്കോടതിയിലും സുപ്രീം കോടതിയിലും ലാസർ അപ്പീലുമായി എത്തി.വധശിക്ഷ ജീവപര്യന്തമായി കുറച്ച് കിട്ടി.ജയിൽ നിയമങ്ങൾ പ്രകാരം പതിന്നാല് കൊല്ലം കഴിഞ്ഞ് പുറത്തിറങ്ങി ഇപ്പോൾ ഒന്നാന്തിരം വൈദീകനായി നാട്ടിൽ നടക്കുന്നു.സ്വന്തം പേരു പോലും മാറ്റി ഫാ ടോണി എന്ന പേരിൽ തിരുവനന്തപുരത്ത് പാതിരിവേല ചെയ്യുയാണ്‌ ഈ വൈദീകൻ.
ബലാൽസംഗിയെ വിവസ്ത്രനാക്കി എന്നും കൊലപാതകി ളോഹക്ക് ഉള്ളിൽ എന്നും വിവരിച്ച് ചർച്ച ആക്ഷൻ കൗൺസിൽ ചെയർമാർ അഡ്വ ബോറിസ് പോളാണ്‌ ഇപ്പോൾ ഈ വിഷയം സഭക്കുള്ളിൽ ചർച്ചക്കായി എടുത്തിട്ടിരിക്കുന്നത്.
വധ കേസിൽ 14 കൊല്ലം തടവ് അനുഭവിച്ച ലാസർ പാതിരി ഇന്നും പക്കാ പാതിരി തന്നെ എന്ന് ബോറിസ് പോൾ പറയുന്നു.അതാണ് കൊല്ലം കത്തോലിക്ക രൂപതയുടെ കരുത്ത്!ക്രിമിനലുകൾ ഇവിടെ തഴച്ചുവളരും.പ്രിയ കൊല്ലം ബിഷപ്പ്,അങ്ങ് ഇടയജനങ്ങളോട് പറയാമോ?കൊലപാതകിയായ പാതിരി ആൻറണി ലാസറിനെ പൗരോഹിത്യ വേലയിൽ നിന്നും പുറത്താക്കാൻ കൊല്ലം രൂപത എന്തേ നടപടിയെടുക്കാത്തത്?ഇനിയെങ്കിലും ഈ പാപത്തിന് അങ്ങ് പ്രായശ്ചിത്തം ചെയ്യുമോ?അല്ലെങ്കിൽ മരണപ്പെട്ട മേരിക്കുട്ടിയുടെ ആത്മാവ് കൊല്ലം രൂപതയിലെ പുരോഹിതർക്ക് എന്നും ഭീഷണിയായി തുടരും! അത് വേണോ?! എന്നും അഡ്വ ബോറിസ് പോൾ ചോദ്യം ഉയർത്തുന്നു
സംഭവ ബഹുലതകൾ നിറഞ്ഞ് മേരിക്കുട്ടി കൊലപാതകവും, ഫാ ആന്റണി ലാസർ എന്ന വൈദീകനെ തൂക്കി കൊല്ലാൻ വിധിച്ച കേസും ഇങ്ങിനെ, ക്രിസ്ത്യൻ സഭകളുടെ ലോക ചരിത്രത്തിൽ തന്നെ ഇത്തരത്തിലൊരു വൈദീകൻ ആദ്യമാണ്‌. വൈദീകൻ ഉപയോഗിച്ച് ചൂഷണം ചെയ്ത് ഒടുവിൽ കൊന്നു കളഞ്ഞ മേരിക്കുട്ടിയുടെ ആത്മാവിനു നിത്യ ശാന്തി ലഭിക്കുമോ
ആയിരത്തി തൊള്ളായിരത്തി എണ്‍പത്തിയാറ് ഒക്ടോബര്‍ പതിമൂന്നാം തിയ്യതി രാത്രിയാണ് കൊല്ല്ലം കുണ്ടറ പോലീസ് സ്ടഷന്‍ അതിര്‍ത്തിയില്‍ പെട്ട കാഞ്ഞിരഗോട് എന്ന സ്ഥലത്ത് ജില്ലാ ആശുപത്രിയിലെ സ്ടാഫ്‌ നഴ്സായിരുന്ന മേരിക്കുട്ടി ഒരുപറ്റം ഗുണ്ടകളുടെ ക്രൂരമായ ആക്രമണത്തെ തുടര്‍ന്ന് കൊല്ലപ്പെട്ടത്. തുടര്‍ന്ന് നടന്ന അന്വേഷണത്തില്‍ ഒന്നാം പ്രതി ശശി ഉള്‍പ്പെടെ എട്ടു പേര്‍ക്കെതിരെ പോലീസ് കേസ്സ് രജിസ്ടര്‍ ചയ്തു. എന്നാല്‍ തുടര്‍ന്ന് നടന്ന ക്രൈം ബ്രാഞ്ച് അന്വേഷണത്തില്‍ ഫാദര്‍ ആന്റണി ലാസ്സര്‍ എന്ന വൈദികന്റെ പ്രേരണപ്രകാരമാണ് പ്രതികള്‍ കുറ്റം ചെയ്തത് എന്ന് തെളിയിക്കപ്പെട്ടു. കേസ്സില്‍ ഒമ്പതാം പ്രതിയാക്കപ്പെട്ട ഫാദര്‍ ആന്റണി ലാസ്സറും മറ്റു പ്രതികളും വിചാരണക്കൊടുവില്‍ ശിഷിക്കപ്പെട്ടു. ഏറെ വിവാദങ്ങള്‍ക്ക് വഴി വെച്ച മേരിക്കുട്ടി വധക്കേസ്സിന്റെ നാള്‍വഴികള്‍
അന്വേഷനോദ്യോഗസ്തന്റെ മൊഴിയും കോടതി രേഖകളും അനുസരിച്ച് മേരിക്കുട്ടി വധക്കേസ്സിലേക്ക് നയിച്ച രംഗങ്ങള്‍ ഇങ്ങനെ.. കൊല്ലം കുണ്ടറ കണ്ണനെല്ലൂര്‍ മേക്കെ ചാരുവിള വീട്ടില്‍ സിംബ്രോസിയയുടെ പത്തു മക്കളില്‍ ആറാമത്തെ ആയിരുന്നു മേരിക്കുട്ടി. ഇടത്തരം കുടുംബം. 
സ്കൂള്‍ വിദ്യാഭ്യാസത്തിനു ശേഷം കൊല്ലം ബെന്‍സിഗര്‍ ഹോസ്പിറ്റലില്‍ നഴ്സിംഗ് നു പഠിക്കുമ്പോഴാണ് മേരിക്കുട്ടി വൈദികനായ ആന്റണി ലാസ്സറെ പരിചയപ്പെടുന്നത്. ബെന്‍സിഗര്‍ ആശുപത്രിയോടു ചേര്‍ന്നുള്ള ഒരു കേട്ടിടം പണിയുടെ മേല്‍നോട്ടത്തിനു വന്നതായിരുന്നു ഫാദര്‍ ആന്റണി ലാസ്സര്‍. മേരിക്കുട്ടിയും അച്ചനുമായുള്ള പരിചയം പിന്നീടു അടുപ്പമായി വളര്‍ന്നു. മേരിക്കുട്ടി വഴി അമ്മ സിംബ്രോസിയയ്ക്കും അച്ചനെ നന്നായി അറിയാമായിരുന്നു.
ആദ്യമൊക്കെ സിംബ്രോസ്സിയ ‘ അദ്ദേഹം ഒരു വൈടികനന്നെന്നും അദേഹത്തിന് നിന്നെ സ്വീകരിക്കാന്‍ കഴിയാത്തതിനാല്‍ ഈ ബന്ധം ഉപേഷിക്കാനും മകളെ ഉപദേശിച്ചിരുന്നു. എങ്കിലും അച്ചന്‍ തന്നെ കൈവെടിയില്ല എന്ന മേരിക്കുട്ടിയുടെ ഉറച്ച വിശ്വാസത്തിനു മുന്നില്‍ സിംബ്രോസ്സിയ കീഴടങ്ങുകയായിരുന്നു. മാത്രമല്ല അച്ചന്റെ പക്കല്‍ നിന്നും ലഭിച്ചിരുന്ന സാമ്പത്തിക സഹായങ്ങള്‍ ആ ഇടത്തരം കുടുംബത്തിനു വലിയ ആശ്വാസവുമായിരുന്നു. അതിനിടെ ബെന്‍സിഗര്‍ ഹോസ്പിറ്റലിലെ നഴ്സിംഗ് പഠനം പൂര്‍ത്തിയായ മേരിക്കുട്ടിക്കു കൊല്ലം ജില്ല ആശുപത്രിയില്‍ സ്ടാഫ്‌ നേഴ്സ് ആയി ജോലി ലഭിച്ചിരുന്നു. അപ്പോഴും ഫാദര്‍ ആന്റണി ലാസ്സറും മേരിക്കുട്ടിയും തമ്മിലുള്ള ബന്ധം അതിരുകളില്ലാതെ വളര്‍ന്നു കൊണ്ടിരുന്നു. പണം കൂടാതെ ആഭരണങ്ങളും വിലപിടിപ്പുള്ള വസ്ട്രങ്ങലുമൊക്കെ അച്ചനില്‍ നിന്നും സമ്മാനമായി ലഭിച്ചിരുന്നതിനാല്‍ മേരിക്കുട്ടിയുടെ കുടുംബാംഗങ്ങളെല്ലാം ആ ബന്ധത്തിന് നേരെ കണ്ണടയ്ക്കുകയായിരുന്നു. അച്ചനും മേരിക്കുട്ടിയും തമ്മില്‍ സ്ഥിരമായി കത്തിടപാടുകളും നടന്നിരുന്നു.
അതിനിടെ മേരിക്കുട്ടിയുടെ സഹോദരന് വിദേശത്തു ജോലിക്ക് പോകാനായി ഫാദര്‍ ആന്റണി ലാസ്സര്‍ 12000 രൂപ നല്‍കിസഹായിച്ചിരുന്നു. ആ ബന്ധം വളരവേ ഫാദര്‍ അവരെയും കൊണ്ട് വേളാങ്കണ്ണി, മധുരൈ, മദ്രാസ്‌, കന്യാകുമാരി തുടങ്ങിയ സ്ഥലങ്ങളിലേക്കെല്ലാം യാത്രകളും നടത്തിയിരുന്നു. പല യാത്രകളിലും മേരിക്കുട്ടിയുടെ ഇളയ സഹോദരി മോളിയും ഒപ്പം പോയിരുന്നു. 
പലപ്പോഴും ചെന്നൈയില്‍ നിന്നുള്ള മടക്കയാത്ര വിമാനത്തില്‍ ആയിരുന്നുവെന്നും എല്ലാ യാത്രകളുടെയും ചെലവ് പൂര്‍ണമായും വഹിച്ചിരുന്നത് ഫാദര്‍ ആയിരുന്നുവെന്നും മേരിക്കുട്ടിയുടെ സഹോദരി പിന്നീടു പോലീസിന് മൊഴി നല്‍കിയിരുന്നു.
കൃത്യം നടന്നതിനു ശേഷം ഫാദര്‍ ആന്റണി ലാസ്സര്‍ ഒന്നാം പ്രതി ശശിക്ക് രക്ഷപ്പെടുവാന്‍ നിര്‍ദേശിച്ചു ടെലെഗ്രാം അയച്ചതിന്റെ രേഖ കണ്ടെടുത്തത് അന്വേഷണ സംഖതിനു വിലപ്പെട്ട തെളിവായി. കേസ്സില്‍ പിടികിട്ടാനുണ്ടായിരുന്ന ബാക്കി പ്രതികളെയും അറസ്റ്റു ചെയ്തു തെളിവെടുപ്പ് പൂര്‍ത്തിയാക്കി 90 ദിവസത്തിനുള്ളില്‍ കൊല്ലം സെഷന്‍സ്സു കോടതിയില്‍ മേരിക്കുട്ടി കൊലക്കെസ്സിന്റെ കുറ്റപത്രം സമര്‍പ്പിക്കപ്പെട്ടു.
