മലയാളികള്‍ ഇരും കൈയ്യും നീട്ടി സ്വീകരിച്ച ചിത്രമായിരുന്നു പിന്‍ഗാമി. മോഹന്‍ലാല്‍ നായകനായി എത്തിയ ചിത്രത്തില്‍ വന്‍ താരനിര തന്നെ ഉയര്‍ന്നിരുന്നു. സത്യന്‍ അന്തിക്കാട് സംവിധാനം ചെയ്ത ചിത്രത്തിന്റെ തിരക്കഥ ഒരുക്കിയത് രഘുനാഥ് പാലേരിയായിരുന്നു. മോഹന്‍ലാലിന്റെ തന്നെ പ്രണവം ആര്‍ട്‌സ് ആണ് ചിത്രം നിര്‍മ്മിച്ചത്. നിരവധി താരങ്ങള്‍ ചിത്രത്തില്‍ വേഷമിട്ടു.
ഇപ്പോള്‍ സിനിമയുടെ ക്ലൈമാക്‌സ് ചിത്രീകരണത്തിനിടെ നടന്ന ഒരു അപകടത്തെ കുറിച്ച് ചിത്രത്തിന്റെ സഹസംവിധായകനായിരുന്ന ഷിബു ലാല്‍ ഒരു അഭിമുഖത്തില്‍ തുറന്ന് പറഞ്ഞിരിക്കുകയാണ്. ചിത്രത്തിന്റെ ക്ലൈമാക്‌സ് ഊട്ടിയില്‍ ചിത്രീകരിച്ചപ്പോള്‍ നടന്ന ബോംബ് ബ്ലാസ്റ്റില്‍ നിന്നും നടന്‍ ഇന്നസെന്റ് തലനാരിഴയ്ക്ക് രക്ഷപ്പെട്ട സംഭവത്തെ കുറിച്ചാണ് ഷിബു ലാല്‍ പറഞ്ഞത്.
‘ക്ലൈമാക്‌സ് ഊട്ടിയിലാണ് ചിത്രീകരിച്ചത്. ബോംബ് ബ്ലാസ്റ്റ് ഒക്കെ ഉള്ളതിനാല്‍ വിജനമായ പ്രദേശം കണ്ടെത്തിയായിരുന്നു ഷൂട്ടിങ് നടത്തിയത്. ചിത്രത്തിലെ പ്രധാന വില്ലനായ എഡ്വിന്‍ തോമസ് എന്ന കഥാപാത്രത്തെ മോഹന്‍ലാലിന്റെ കഥാപാത്രം കാറില്‍ ബോംബ് സെറ്റ് ചെയ്ത് റിമോട്ട് വഴിയാണ് കൊലപ്പെടുത്തുന്നത്. ബോംബ് ബ്ലാസ്റ്റ് നടക്കുന്നത് ഇന്ദ്രന്‍സിന്റെ കഥാപാത്രവും മോഹന്‍ലാലിന്റെ കഥാപാത്രത്തിനൊപ്പം നിന്ന് കാണുന്നത് പിന്‍?ഗാമിയുടെ ക്ലൈമാക്‌സില്‍ കാണിക്കുന്നുണ്ട്. ആ ബോംബ് ബ്ലാസ്റ്റ് നടക്കുമ്‌ബോള്‍ പൊട്ടിത്തെറിയുടെ ആഘാതത്തില്‍ കാറിന്റെ ഡോര്‍ പറന്നുയര്‍ന്ന് ഇന്നസെന്റിന് നേര്‍ക്ക് വന്നു. പുക കാരണം ഇന്നസെന്റ് ഇത് ശ്രദ്ധിച്ചിരുന്നില്ല. എന്നാല്‍ മോഹന്‍ലാല്‍ ഇത് ശ്രദ്ധിക്കുകയും ഞൊടിയിടയില്‍ ഇന്നസെന്റിനെ മാറ്റുകയും ചെയ്തു.’
‘ഇല്ലെങ്കില്‍ അന്ന് ഡോര്‍ ദേഹത്ത് പതിച്ച് ഇന്നസെന്റ് മരിച്ചുപോയേനെ. ആ ഡോര്‍ പറന്ന് വരുന്നത് ക്ലൈമാക്‌സിലും ശ്രദ്ധിച്ചാല്‍ കാണാം’ ഷിബു ലാല്‍ പറയുന്നു. പിന്‍ഗാമി തിയേറ്ററില്‍ പക്ഷെ പരാജയമായിരുന്നു. ആ സമയത്ത് തേന്മാവിന്‍ കൊമ്ബത്ത് തിയേറ്റുകളില്‍ പ്രദര്‍ശിപ്പിച്ചിരുന്നതിനാലാണ് ചിത്രം പരാജയപ്പെട്ടതെന്നും സിനിമാപ്രേമികള്‍ പറയുന്നു. രഘുനാഥ് പലേരി എഴുതിയ കുമാരേട്ടന്‍ പറയാത്ത കഥ എന്ന ചെറുകഥയില്‍ നിന്നും പ്രചോദമുള്‍ക്കൊണ്ടാണ് അദ്ദേഹം തന്നെ പിന്‍ഗാമിക്ക് കഥയെഴുതിയത്. മാസ് ഡയലോ?ഗുകളിലൂടെ കൈയ്യടി വാങ്ങിയ മോഹന്‍ലാലിനെ ക്ലാസ് ഹീറോയായി കാണിച്ച സിനിമ കൂടിയായിരുന്നു പിന്‍?ഗാമി.
