ബിജെപിയില്‍ അംഗത്വമെടുത്ത മുസ്ലിം വനിതയോട് വാടകവീട്ടില്‍ നിന്ന് ഇറങ്ങാന്‍ ഉടമ ആവശ്യപ്പെട്ടതായി റിപ്പോര്‍ട്ട്. ഉത്തര്‍പ്രദേശിലെ അലിഗഡ് ജില്ലയിലാണ് വീട്ടുടമസ്ഥനായ വ്യക്തി ഇത്തരമൊരു നിലപാട് സ്വീകരിച്ചത്.
ഗുലിസ്തന എന്ന യുവതിക്കാണ് ദുരനുഭവം. വീട്ടില്‍ നിന്ന് ഇറങ്ങണം എന്നാവശ്യപ്പെട്ടതിനൊപ്പം വീട്ടുടമസ്ഥന്‍ തന്നോട് അപമര്യാദയായി പെരുമാറിയെന്നും യുവതി പരാതിപ്പെട്ടു.
സംഭവത്തില്‍ പൊലീസ് കേസ് രജിസ്റ്റര്‍ ചെയ്തതായി അലിഗഡ് സീനിയര്‍ സൂപ്രണ്ട് ആകാശ് കുല്‍ഹരി പറഞ്ഞു. ‘വീട്ടുടമസ്ഥന്റെ അമ്മ വാടകക്കാരിയോട് നാലായിരം രൂപ വൈദ്യുതി ബില്ലായി ആവശ്യപ്പെട്ടു. ഇതേ ചൊല്ലി തര്‍ക്കമുണ്ടായപ്പോഴാണ് ബിജെപിയില്‍ ചേര്‍ന്നതിനെ ചൊല്ലിയും വാഗ്വാദം നടന്നത്,’ എന്നാണ് ആകാശ് കുല്‍ഹരി എഎന്‍ഐയോട് പറഞ്ഞിരിക്കുന്നത്.
Aligarh: A woman, Gulistana was allegedly asked to vacate her home by her landlord after she joined BJP. She says, “I joined BJP yesterday, when my landlord came to know of it she misbehaved with me & asked me to vacate immediately.” (7.7.19) pic.twitter.com/nePXOvzA5D
— ANI UP (@ANINewsUP) July 7, 2019
