തൃശൂര്‍: നടന്‍ മോഹന്‍ലാലിന്‍റെ കാര്‍ ഗുരുവായൂര്‍ ക്ഷേത്ര നടയിലേക്ക് വരാന്‍ ഗേറ്റ് തുറന്നു കൊടുത്ത സംഭവത്തില്‍ സെക്യൂരിറ്റി ജീവനക്കാര്‍ക്ക് അഡ്മിനിസ്ട്രേറ്ററുടെ കാരണം കാണിക്കല്‍ നോട്ടീസ്.
മൂന്ന് സുരക്ഷാ ജീവനക്കാര്‍ക്കാണ് കാരണം കാണിക്കല്‍ നോട്ടീസ് നല്‍കിയത്. ഇവരെ ജോലിയില്‍ നിന്ന് മാറ്റി നിര്‍ത്താനും അഡ്മിനിസ്‌ട്രേറ്റര്‍ നിര്‍ദേശം നല്‍കി. മോഹന്‍ലാലിന്‍റെ കാര്‍ മാത്രം അവിടെ പ്രവേശിപ്പിച്ചത് എന്ത് കാരണത്താലാണെന്ന് വ്യക്തമാക്കണമെന്നാണ് നോട്ടീസിലെ ആവശ്യം.
വ്യവസായി രവി പിള്ളയുടെ മകന്‍റെ വിവാഹ ചടങ്ങില്‍ പങ്കെടുക്കാനാണ് വ്യാഴാഴ്ച മോഹന്‍ലാല്‍ ഗുരുവായൂരില്‍ എത്തിയത്.
