മണിപ്പൂരില്‍ വീണ്ടും സംഘര്‍ഷം, ഒരാള്‍ മരിച്ചു

ഇംഫാല്‍. മണിപ്പൂരില്‍ വീണ്ടും സംഘര്‍ഷം. സംഘര്‍ഷത്തില്‍ ഒരാള്‍ കൊല്ലപ്പെടുകയും രണ്ട് പേര്‍ക്ക് പരിക്കേല്‍ക്കുകയും ചെയ്തതായിട്ടാണ് വിവരം. അതേസമയം സൈന്യവും അര്‍ധസൈന്യവും രംഗത്തിറങ്ങിയിട്ടും ഇതുവരെ സംഘര്‍ഷം അവസാനിച്ചിട്ടില്ല. കഴിഞ്ഞ 48 മണിക്കൂറിനിടയില്‍ സംഘര്‍ഷം മണിപ്പൂരില്‍ വര്‍ധിച്ചതായിട്ടാണ് വിവരം.

മുന്‍ എംഎല്‍എയുടെ നേതൃത്വത്തില്‍ ന്യൂ ചെക്കോണില്‍ കടകള്‍ അടപ്പിക്കുവാന്‍ ശ്രമിച്ചത് സംഘര്‍ഷത്തിന് കാരണമായിരുന്നു. തുടര്‍ന്ന് എതിര്‍വിഭാഗം വീടുകള്‍ക്ക് തീയിട്ടു. ഇതോടെ സംഘര്‍ഷം ഇംഫാലിന് പുറത്തേക്കും വ്യാപിച്ചു. അതേസമയം ഇംഫാലില്‍ കര്‍ഫ്യു തുടരുകയാണ്. സംഘര്‍ഷത്തില്‍ ഇതുവരെ 56 പേര്‍ കൊല്ലപ്പെട്ടു.