ആലപ്പുഴ: രോഗിയെ ശുചിമുറിക്കുള്ളിൽ ജീവനൊടുക്കി നിലയിൽ കണ്ടെത്തി. ആലപ്പുഴ മെഡി.കോളജിലാണ്
രോഗിയെ ശുചിമുറിയില്‍ തൂങ്ങിമരിച്ച നിലയില്‍ കണ്ടെത്തിയത്. വള്ളികുന്നം സ്വദേശി ശിവരാജനാണ് ജീവനൊടുക്കിയത്.
ആശുപത്രിയിലെ കാർഡിയോ തെറാസിക് വിഭാഗത്തിന് സമീപത്തുള്ള ശുചിമുറിയിൽ പുലർച്ചയോടെയാണ് 62കാരനായ ശിവരാജന്റെ മൃതദേഹം കണ്ടെത്തിയത്. സംഭവത്തിൽ അന്വേഷണം ആരംഭിച്ചിട്ടുണ്ട്.
ഇതേ ആശുപത്രിയിലാണ് രണ്ട് ദിവസം മുൻപ് പ്രസവത്തിനിടെ കുട്ടിയും തുടർന്ന് അമ്മയും മരിക്കാനിടയായ സംഭവം ഉണ്ടായത്. ഇതേ തുടർന്ന് ഡോക്ടര്‍മാര്‍ ഉള്‍പ്പെടെ എല്ലാ ജീവനക്കാരുടെയും മൊഴി പൊലീസ് രേഖപ്പെടുത്തി.ഡോക്ടര്‍മാരുടെ ഭാഗത്തു പിഴവില്ലെന്നാണ് സൂചന. അമ്പലപ്പുഴ പൊലീസ് നടത്തിയ അന്വേഷണത്തിലാണ് പ്രാഥമിക കണ്ടെത്തൽ.
