തൃശ്ശൂര്: കൊറോണ വൈറസ് വ്യാപിക്കുന്ന സാഹചര്യത്തില് കേന്ദ്രം നിര്ദ്ദേശിച്ച ലോക്ക് ഡൗണ് നിര്ദേശം പാലിച്ച് ഏവരും വീടുകളില് ഒതുങ്ങി കൂടുകയാണ്. എന്നാല് ഈ സാഹചര്യത്തിലും കര്മ്മ നിരദരായി പ്രവര്ത്തിക്കുന്നവരാണ് പോലീസ് ഉദ്യോഗസ്ഥരും ആരോഗ്യ പ്രവര്ത്തകരും. വീടും സ്വന്തക്കാരെയും ഉപേക്ഷിച്ച് രാവെന്നോ പകലെന്നോ ഇല്ലാതെ ജനങ്ങള്ക്ക് കാവല് നില്ക്കുകയാണ് പോലീസ് ഉദ്യോഗസ്ഥര്. കൊറോണ കാലമായതോടെ വീട്ടിലേക്ക് പോകാനോ മക്കളെ ഒരു നോക്ക് കാണാനോ പോലും പോലീസ് ഉദ്യോഗസ്ഥര്ക്ക് സാധിക്കാറില്ല.
ഇത്തരത്തില് മക്കളെ കാണാനോ പിറന്നാള് ആഘോഷത്തില് പങ്കെടുക്കാനോ കൊറോണ കാലം സമ്മതിക്കാത്തതിനാല് മക്കളുടെ ഒന്നാം പിറന്നാള് റോഡരികില് നിന്നും ആഘോഷിക്കുന്ന പോലീസ് ഉദ്യോഗസ്ഥന്റെ വീഡിയോ ദൃശ്യങ്ങള് സോഷ്യല് മീഡിയകളില് വൈറലാവുകയാണ്. തൃശ്ശൂരിലെ പേരാമംഗലം പോലീസ് സ്റ്റേഷനിലെ സിവില് പോലീസ് സ്റ്റേഷനിലെ സിവില് പോലീസ് ഓഫീസറായ ഉണ്മേഷാണ് തന്റെ ഇരട്ട കുട്ടികളുടെ പിറന്നാള് റോഡരികില് നിന്നും ആഘോഷിച്ചത്.
റോഡരികില് കേക്ക് മുറിച്ച് ആയിരുന്നു ആഘോഷം. കൊറോണ പ്രതിരോധ ഡ്യൂട്ടിയുള്ളതിനാല് കൊല്ലം സ്വദേശിയായ ഉണ്മേഷിന് നാട്ടിലേക്ക് പോകാനും കുട്ടികളെ കാണാനും സാധിച്ചിരുന്നില്ല. ഉണ്മേഷിന്റെ മക്കളുടെ പിറന്നാള് ആണെന്ന് മനസ്സിലാക്കിയതോടെ പേരാമംഗലം സര്ക്കിള് ഇന്സ്പെടക്ടര് രാജേഷ് കെ മേനോന്, ഉണ്മേഷിന്റെ അടുത്ത് എത്തുകയും ആഘോഷം ഡ്യൂട്ടി സ്ഥലത്ത് തന്നെ നടത്തുവാന് താത്പര്യം പ്രകടിപ്പപിക്കുമായിരുന്നു.
പുഴയ്ക്കല് ശോഭാ സിറ്റിക്കു സമീപം വാഹനപരിശോധനാ ഡ്യൂട്ടിയിലുണ്ടായിരുന്ന ഉണ്മേഷ് ഇക്കാര്യം സമ്മതിക്കുകയും സഹപ്രവര്ത്തകര്ക്ക് കേക്ക് മുറിച്ചുനല്കി പിറന്നാളാഘോഷിക്കുകയും ചെയ്തു. കുട്ടികളേയും ഭാര്യയേയും വീഡിയോകോളില് വിളിച്ച ശേഷമായിരുന്നു കേക്ക് മുറി. ഈ വേറിട്ട ആഘോഷം സിറ്റി പോലീസാണ് ഔദ്യോഗിക ഫേസ്ബുക്കിലൂടെ പുറത്തുവിട്ടത്.
തൃശ്ശൂര് സിറ്റി പോലീസിന്റെ ഫേസ്ബുക്ക് പോസ്റ്റ്
പോലീസുകാരന്റെ ഇരട്ടിക്കുട്ടികളുടെ പിറന്നാള് ആഘോഷം റോഡരികില്
പേരാമംഗലം പോലീസ് സ്റ്റേഷനിലെ സിവില് പോലീസ് ഓഫീസര് ഉണ്മേഷിന്റെ ഇരട്ട കുട്ടികളുടെ ആദ്യ പിറന്നാളായിരുന്നു ഇന്ന്. കോവിഡ് പ്രതിരോധ ഡ്യൂട്ടികളുള്ളതിനാല് കൊല്ലം സ്വദേശിയായ ഉണ്മേഷിന് നാട്ടിലേക്ക് പോകാനും കുട്ടികളെ കാണാനും കഴിഞ്ഞില്ല. ഇക്കാര്യം മനസ്സിലാക്കിയ പേരാമംഗലം സര്ക്കിള് ഇന്സ്പെക്ടര് രാജേഷ് കെ മേനോന്, പുഴയ്ക്കല് ശോഭാ സിറ്റിയ്ക്കു സമീപം വാഹനപരിശോധന ഡ്യൂട്ടിയിലുണ്ടായിരുന്ന ഉണ്മേഷിന്റെ അടുത്തെത്തുകയും ആഘോഷം ഡ്യൂട്ടി സ്ഥലത്തുതന്നെ നടത്തുവാന് താല്പര്യം പ്രകടിപ്പിക്കുകയായിരുന്നു. കുട്ടികളേയും ഭാര്യയേയും വീഡിയോകോളില് വിളിച്ച്, റോഡരികില് വെച്ച്, സഹപ്രവര്ത്തകര്ക്ക് കേക്ക് മുറിച്ചുനല്കി പിറന്നാളോഘോഷം അങ്ങനെ ഗംഭീരമായി.
https://www.facebook.com/thrissurcitypolice/videos/513422102881146/