വായ്ത്താരിയും പിആര്‍ പണിയുമാണ് പൊതുമരാമത്ത് വകുപ്പില്‍ നടക്കുന്നത്- വിഡി സതീശന്‍

കൊച്ചി. റോഡുകളിലെ കുഴികള്‍ അടയ്ക്കുന്നതിന് പകരം പൊതുമരാമത്ത് വകുപ്പില്‍ വായ്ത്താരിയും പിആര്‍ പണിയുമാണ് നടക്കുന്നതെന്ന് പ്രതിപക്ഷ നേതാവ് വിഡി സതീശന്‍. റോഡിലെ അറ്റകുറ്റപ്പണികള്‍ മണ്‍സൂണിന് മുമ്പേ തീര്‍ക്കാത്തതാണ് പ്രധാന കാരണമെന്ന് വിഡി സതീശന്‍ പറയുന്നു.

പൊതുമരാമത്ത് വകുപ്പിലെ വിവിധ വിഭാഗങ്ങള്‍ തമ്മിലുള്ള തര്‍ക്കമാണ് എല്ലാ പ്രശ്‌നങ്ങള്‍ക്കും കാരണം. നേരത്തെ എന്‍എച്ച് 88 റോഡിലെ അറ്റകുറ്റപ്പണികള്‍ പൊതുമരാമത്ത് വകുപ്പ് ടെന്‍ഡര്‍ എടുത്ത് നടത്തിയിട്ടുണ്ട്. ദേശീയ പാതയുടെ കാര്യത്തില്‍ വകുപ്പിന് ഇടപെടുവാന്‍ സാധിക്കില്ലെന്ന് പറയുന്നത് ശരിയല്ലെന്നും വിഡി സതീശന്‍ പറയുന്നു.

ദേശീയ പാതയിലെ കുഴികള്‍ അടച്ചില്ലെങ്കില്‍ കളക്ടര്‍ ടോള്‍ പിരിവ് നിര്‍ത്തലാക്കുവാന്‍ ഉത്തരവിടണം. കേരളത്തിന്റെ പ്രതിഷേധം കേന്ദ്രത്തെ അറിയിക്കണമെന്നും വിഡി സതീശന്‍ പറഞ്ഞു.