ഒരു കണ്ണിറുക്കല് കൊണ്ട് ജീവിതം മാറി മറിഞ്ഞ നടിയാണ് പ്രിയ പ്രകാശ് വാര്യര്. ഒരു അഡാറ് ലവിലൂടെ വെള്ളിത്തിരയിലെത്തിയ പ്രിയ ഇപ്പോള് ബോളിവുഡിലടക്കം അഭിനയിച്ച് തിളങ്ങി നില്ക്കുകയായിരുന്നു. സോഷ്യല് മീഡിയയില് നടിയെ ഫോളോ ചെയ്യുന്ന ആളുകളുടെ എണ്ണം റെക്കോര്ഡ് ആയതോടെയാണ് നടിയുടെ പോസ്റ്റുകള് കൂടുതല് ശ്രദ്ധേയാവുന്നത്. തന്റെ സങഅകല്പ്പത്തിലുള്ള പുരുഷനെക്കുറിച്ച് തുറന്നുപറഞ്ഞിരിക്കുകയാണ് താരം,
അടുത്തിടെ നല്കിയ ഒരു അഭിമുഖത്തിലാണ് താരം ഇതേക്കുറിച്ച് തുറന്നുപറഞ്ഞത്. സിനിമാതാരങ്ങളെ ഉദ്ദാഹരണമാക്കിയാണ് പ്രിയ പങ്കാളിയെക്കുറിച്ചുള്ള സ്വപ്നങ്ങള് വിവരിച്ചത്. ദുല്ഖര് സല്മാനെപ്പോലെ ശരീരഘടനയും ഫഹദ് ഫാസിലിന്റെ ചിരിയും ടൊവിനോയുടെ ഹെയര്സ്റ്റൈലുമുള്ള ഒരാളെയാണ് താന് പ്രണയിക്കാനാഗ്രഹിക്കുന്നതെന്നാണ് താരം പറഞ്ഞത്.
അഡാര് ലൗവില് ജോഡിയായി അഭിനയിച്ച് റോഷനുമായി പ്രിയാ വാര്യര്ക്ക് പ്രണയമുണ്ടെന്ന തരത്തിലുള്ള വാര്ത്തകള് വന്നിരുന്നു. ഇരുവരുടെയും സൗഹൃദവും പലകുറി വാര്ത്തകളില് നിറഞ്ഞു. അടുത്തിടെ റോഷനും പ്രിയയും പ്രണയത്തിലാണെന്ന തരത്തില് ചില മാധ്യമങ്ങള് പ്രചരിപ്പിക്കുകയും ചെയ്തു. റോഷന് ആശംസകള് നേര്ന്ന് തനിക്ക് എത്ര പ്രിയപ്പെട്ടതാണ് റോഷന് എന്ന് പറഞ്ഞറിയിക്കാനാകില്ലെന്നും അത് റോഷന് മനസിലാക്കുമെന്ന് കരുതുന്നതായും പ്രിയ പറഞ്ഞിരുന്നു. ഇപ്പോള് പ്രണയ ഗോസിപ്പുകളോട് പ്രിയ പ്രതികരിച്ചിരിക്കുകയാണ്.
‘ആദ്യമായി സിനിമയില് അഭിനയിക്കുമ്പോള് കൂടെ അഭിനയിക്കുന്ന ഒരേപ്രായത്തിലുള്ള സഹതാരവുമായി ഐക്യ?മുണ്ടാകും. അത്? രണ്ടുപേര്ക്കും ആശ്വാസകരവും തെറ്റുകള് ഉള്ക്കൊള്ളാന് സഹായകരവുമാകും. ഈ ഐക്യം അഭിനയം സംബന്ധിച്ച സമ്മര്ദങ്ങള് ഒഴിവാക്കാനും സഹായിക്കും. പ്രചരണങ്ങള് വെറും പ്രചരങ്ങള് മാത്രമാണ്. അതിന് കുറച്ച് കാലം മാത്രമേ ആയുസ്സുള്ളുണ്ടാകുകയുള്ളൂ. ഞാന് എന്റെ ജോലി പൂര്ണ സംതൃപ്തിയോടും ആത്മാര്ഥതയോടും ചെയ്യാന് ആഗ്രഹിക്കുന്നു. ബാക്കിയെല്ലാം പ്രേക്ഷകരുടെ കയ്യിലാണ്’. ഇപ്പോള് ശ്രീദേവി ബെംഗളാവ് എന്ന ചിത്രത്തിലൂടെ ബോളിവുഡില് അരങ്ങേറ്റം കുറിക്കുകയാണ് പ്രിയ വാര്യര്.