ലോക്ക് ഡൗണ്‍ നീണ്ടുപോകുന്നതിനുപിന്നാലെ ആളുകള്‍ കൂടുതല്‍ സോഷ്യല്‍ മീഡിയയില്‍ സജീവമാകുകയാണ്. മലയാളികളുടെ പ്രിയ ഗായക റിമി ടോമിയും കൂടുതല്‍ സമയവും ചിലവഴിക്കുന്നത് സോഷ്യല്‍ മീഡിയയിലാണ്.. 
ദിവസവും ആരാധകര്‍ക്കായി താരം എന്തെങ്കിലും പങ്കുവയ്ക്കാറുണ്ട്. ഇപ്പോള്‍ റിമി ടിക്ക് ടോക്കിലും തരമാണ്. ഈ ലോക്ക് ഡൗൺ കാലത്ത് യാത്രകളെ മിസ്സ് ചെയ്യുകയാണെന്ന് പറയുകയാണ് റിമി ടോമി.
കഴിഞ്ഞ ദിവസം പങ്കുവെച്ച ഒരു ഇന്‍സ്റ്റഗ്രാം പോസ്റ്റിലാണ് യാത്രകള്‍ മിസ് ചെയ്യുന്നു എന്ന് പറഞ്ഞത്. ഒരു വിദേശ രാജ്യത്ത് നിന്നുള്ള ചിത്രം പങ്കുവെച്ചു കൊണ്ടായിരുന്നു കുറിപ്പ്.” ഇനി ഒരു യാത്ര ഒക്കെ എന്ന് പോകാന്‍ പറ്റുമോ ആവോ,ഉടനെ പോവാന്‍ പറ്റിയില്ലേലും സാരമില്ല ഒന്ന് കൊറോണ തീര്‍ന്നാല്‍ മതിയാരുന്നു”, എന്നാണ് റിമി പറയുന്നത്. ബിഗ് ബോസ് മത്സരാർത്ഥികളടക്കം നിരവധി ആളുകൾ വീഡിയോക്ക് കമന്റുമായെത്തി. പോകാന്‍ പറ്റും പിന്നല്ല എന്ന് പറഞ്ഞു കൊണ്ടാണ് വീണ നായർ റിമിയെ ആശ്വസിപ്പിച്ചത്.
പാചകത്തിലും താന്‍ പുലിയാണെന്ന് പ്രിയ ഗായിക തെളിയിച്ചു കഴിഞ്ഞു. 
ബീഫ്, ചിക്കന്‍ റോസ്റ്റ് എന്നിങ്ങനെ പാലക്കാരുടെ പ്രിയപ്പെട്ട നോണ്‍ വെജ് വിഭവങ്ങളിലൂടെയാണ് റിമി പാചകത്തിലുള്ള തന്റെ കഴിവ് പുറത്തെടുത്തിരിക്കുന്നത്. സ്വന്തം യൂട്യൂബ് ചാനലിലൂടെ തനി പാലക്കാരിയായിട്ടാണ് എത്തുന്നത്. കുറച്ച്‌ സമയത്തിനുള്ളില്‍ തന്നെ യൂ ട്യൂബ് ചാനലിന് സബ്സ്ക്രൈബേഴ്സിന്റെ എണ്ണവും വര്‍ധിച്ചിട്ടുണ്ട്.
