മലയാളികളുടെ പ്രിയപ്പെട്ട നടനായിരുന്നു കലാഭവന് മണി. അകാലത്തിലുള്ള അദ്ദേഹത്തിന്റെ മരണം മലയാളികള്ക്ക് ഇപ്പോഴും ഉള്ക്കൊള്ളാനായിട്ടില്ല. നായകനായും പ്രതിനായകനായും സഹനടനായും കൊമേഡിയനുമായി ഒക്കെ മലയാളികളെ വിസ്മയിപ്പിച്ച നടനായിരുന്നു കലാഭവന് മണി. മാത്രമല്ല അദ്ദേഹത്തിന്റെ നാടന് പാട്ടുകള് ഒരിക്കലെങ്കിലും മൂളാത്ത മലയാളികളും ഉണ്ടാവില്ല. മലയാളത്തിന് പുറമെ അന്യ ഭാഷാ ചിത്രങ്ങളിലും അദ്ദേഹം തിളങ്ങി.
ഇപ്പോള് കലാഭവന് മണിയുടെ ആദ്യ അഭിമുഖം സോഷ്യല് മീഡിയകളില് പങ്കുവെച്ചിരിക്കുകയാണ് അനുജന് ആര്എല്വി രാമകൃഷ്ണന്. 1992ല് കലാഭവന് ട്രൂപ്പിന്റെ ഗള്ഫ് പര്യടന വേളയില് ഖത്തറില് വെച്ച് നടന്ന അഭിമുഖമാണ് ഇപ്പോള് ആര് എല് വി രാമകൃഷ്ണന് പങ്കുവെച്ചിരിക്കുന്നത്. 1984 മുതല് ഖത്തറിലെ കലാമേഖയില് പ്രവര്ത്തിക്കുന്ന മലപ്പുറം പന്താവൂര് സ്വദേശി മുഹമ്മദ് ഉണ്ണിയെന്ന ഏ.വി.എം ഉണ്ണിയാണ് അഭിമുഖം സംഘടിപ്പിച്ചത്.
അഭിമുഖം പങ്കുവെച്ചുകൊണ്ട് ആര്എല്വി രാമകൃഷ്ണന് കുറിച്ചതിങ്ങനെ;
‘ഒരുപാട് വിഷമിച്ച ഒരു ദിവസമാണിന്ന്. ഈ വിഡിയോ ഖത്തറില് ജോലി ചെയ്യുന്ന ചാലക്കുടിക്കടുത്ത് മുരിങ്ങൂര് സ്വദേശിയായ ഡിക്സണ് എനിക്ക് അയച്ചു തന്നതാണ്. മണി ചേട്ടന് കലാഭവനില് കയറി ഒരു വര്ഷം തികയുന്നതിന് മുന്പ് ഖത്തറില് പരിപാടിക്ക് പോയപ്പോള് ചെയ്ത ഒരു ഇന്റര്വ്യൂ. നിങ്ങള് കാണുക ശരിക്കും ചങ്ക് തകര്ന്നു പോകും.നന്ദി ഡിക്സണ്’.
കലാഭവനില് എത്തിയതിന് ശേഷമാണ് ജീവിതത്തില് അഭിമാനം തോന്നനിയതെന്ന് മണി അഭിമുഖത്തില് പറയുന്നു. മിമിക്രി കലാപ്രകടനം ആളുകള് കരുതും പോലെ എളുപ്പമല്ല ബുദ്ധിമുട്ടാണെന്നും ആളുകളെ ചിരിപ്പിക്കുക എന്നത് വലിയ കാര്യമാണെന്നും കലാഭവന് മണി പറയുന്നുണ്ട്.
https://www.facebook.com/rlv.ramakrishnan/posts/3109383475847429