എന്റെ ആഗ്രഹങ്ങൾ സാധിച്ചു തരാൻ കഴിഞ്ഞില്ലെങ്കിൽ പോലും എന്റെ വാശിപ്പുറത്ത് അച്ഛൻ അത് ചെയ്ത് തരും- സാനിയ

മലയാളികളുടെ പ്രിയപ്പെട്ട നടിയും നർത്തകിയുമാണ് സാനിയ ഇയ്യപ്പൻ. ബാലതാരമായി തിളങ്ങിയ നടി പിന്നീട് ക്വീൻ എന്ന ചിത്രത്തിലൂടെയാണ് നായികയായി അരങ്ങേറ്റം കുറിക്കുന്നത്. പിന്നീട് നടിക്ക് തിരിഞ്ഞ് നോക്കേണ്ടി വന്നിട്ടില്ല. കൈ നിറയെ ചിത്രങ്ങളാണ്. ഡാൻസ് വീഡിയോകളിലൂടെയും ഫോട്ടോഷൂട്ടുകളിലൂടെയും സാനിയ തിളങ്ങി നിന്നു. എന്നാൽ നടിയുടെ ഫോട്ടോഷൂട്ടുകൾക്ക് വലിയ വിമർശനമാണ് ഉയരുന്നത്. ഇപ്പോൾ വിവാദങ്ങളെക്കുറിതച്ച് തുറന്നുപറയുകയാണ് താരം

ഞാനൊരു സാധാരണ കുടുംബത്തിൽ നിന്ന് സിനിമയിൽ എത്തിയ ആളാണ്. എന്റെ ആഗ്രഹങ്ങൾ സാധിച്ചു തരാൻ കഴിഞ്ഞില്ലെങ്കിൽ പോലും എന്റെ വാശിപ്പുറത്ത് അച്ഛൻ എനിയ്ക്ക് അത് ചെയ്ത് തരും. എന്താണോ വേണ്ടത്, എന്റെ സന്തോഷത്തിന് വേണ്ടി വീട്ടുകാർ എന്തും ചെയ്തു തരുമായിരുന്നു. എന്നാൽ ചില ആളുകൾ വീട്ടുകാരെ വിളിച്ച്‌ പരാതി പറയാറുണ്ടായിരുന്നു. എന്നാൽ അവർ ഇതിനൊന്നും ചെവി കൊടുക്കാറില്ല. ചെറുപ്പം മുതലേ അമ്മയ്ക്ക് എന്നെ ഡാൻസർ ആക്കണമെന്നായിരുന്നു ആഗ്രഹം. അച്ഛന് സിനിമ നടിയും. ഇത് രണ്ടും സാധിച്ച്‌ കൊടുക്കൻ പറ്റി.

എല്ലാ മനുഷ്യന്മാരെ പോലെ തന്നെ എനിക്കും ഒരുപാട് സ്വപ്നങ്ങളും പ്രതീക്ഷകളുമുണ്ട്. വലിയ സിനിമ നടിയാകണം, കുറെ വിദേശ രാജ്യങ്ങളിൽ സഞ്ചരിക്കണം, വലിയ കാറ് വാങ്ങണം ഇതൊക്കെയാണ്.