എന്നെ അലട്ടുന്ന പ്രധാനപ്രശ്‌നം എന്റെ രോഗമല്ല, മറ്റുള്ളവരോട് അടുത്തിടപഴകേണ്ടി വന്നതാണ്- തൊടുപുഴയിലെ കോവിഡ് രോഗി

കേരളത്തില്‍ കോവിഡ് രോഗികളുടെ എണ്ണം ക്രമാതീതമായി വര്‍ദ്ധിക്കുകയാണ്.രാജ്യത്ത് രോഗ ബാധയിൽ കേരളം ഒന്നാമത് എന്നതാണ്‌ ആശങ്ക ഉണ്ടാക്കുന്നത്., 24 മണിക്കൂറിനുള്ളിൽ ഇന്ത്യയിൽ 100 കേസുകൾ, 39ഉം കേരളത്തിൽ ആണ്‌. കേരളത്തിന്റെ പതിന്മടങ്ങ് ജന സംഖ്യ ഉള്ള സംസ്ഥാനങ്ങളിൽ പോലും സ്ഥിതി ഗതികൾ ഏറെ മെച്ചെപ്പെട്ട നിലയിലാണിപ്പോൾ.

ഇന്നലെ മാത്രം 39 പേര്‍ക്കാണ് രോഗം സ്ഥിതീകരിച്ചിരിക്കുന്നത്. ഇടുക്കിയിലെ പൊതു പ്രവര്‍ത്തകന് കോവിഡ് സ്ഥിതീകരിച്ചത് ജനങ്ങളില്‍ ആശങ്ക സൃഷ്ടിച്ചിട്ടുണ്ട്. നിരവധി ആളുകളുമായി സമ്പര്‍ക്കം പുലര്‍ത്തിയ ഇദ്ധേഹത്തിന്റെ റൂട്ട് മാപ്പ് പുറത്തുവിട്ടിരുന്നു. ഇദ്ദേഹം വലിയ ജാഗ്രത കുറവാണ് കാണിച്ചതെന്ന് മുഖ്യമന്ത്രി അടക്കമുള്ളവര്‍ വിമര്‍ശിക്കുകയും ചെയ്തിരുന്നു. എന്നാല്‍ തനിക്ക് ഇക്കാര്യത്തില്‍ വലിയ മനോവേദനയുണ്ടെന്ന് പ്രതികരിച്ച് രംഗത്തെത്തിയിരിക്കുകയാണ് ഈ കോവിഡ് രോഗി.

അദ്ദേഹത്തിന്റെ വാക്കുകള്‍ ഇങ്ങനെ:

ആരോഗ്യവകുപ്പ് അധികൃതര്‍ പറഞ്ഞാണ് എനിക്ക് കോവിഡ് രോഗമുണ്ടെന്ന് അറിയുന്നത്. എന്റെ രോഗത്തേക്കാള്‍ ഉപരി പൊതുപ്രവര്‍ത്തകനെന്ന നിലയില്‍ ഒട്ടേറെ ആളുകളുമായി ഇടപഴകുകയും യാത്രകള്‍ ചെയ്യേണ്ടതായും വന്നിട്ടുണ്ട്. ഇക്കാര്യത്തില്‍ എനിക്കു വലിയ വേദനയും ദുഃഖവുമുണ്ട്. ഫെബ്രുവരി 29 മുതലുള്ള കാലയളവില്‍ ഞാനുമായി അടുത്ത് ഇടപഴകിയിട്ടുള്ളവരോ സംസാരിക്കുകയോ ചെയ്തിട്ടുള്ള എന്റെ പരിചയക്കാരും സുഹൃത്തുക്കളും അഭ്യുദയകാംക്ഷികളുമായിട്ടുള്ള ആളുകള്‍ അവരവരുടെ തൊട്ടടുത്തുള്ള ആരോഗ്യപ്രവര്‍ത്തകരെ സമയബന്ധിതമായി ബന്ധപ്പെടാനും ആവശ്യമായ മുന്‍കരുതലെടുക്കാനും തയാറാകണമെന്ന് വിനയപൂര്‍വം അഭ്യര്‍ഥിക്കുന്നു. ഞാന്‍ യാത്ര ചെയ്ത മേഖലകളുമായും തിരുവനന്തപുരവുമായും എനിക്ക് ബന്ധപ്പെടേണ്ടി വന്നിട്ടുണ്ട്. ഇതിനിടയില്‍ എനിക്ക് ഓര്‍മയിലില്ലാത്ത പല ആളുകളുമുണ്ട്. പലരും പല കാര്യങ്ങള്‍ക്കും എന്നെ ബന്ധപ്പെട്ടിട്ടുണ്ട്.

പലപ്പോഴും ദിവസം 150-200 കിലോമീറ്റര്‍ യാത്ര ചെയ്യേണ്ടി വന്നിട്ടുണ്ട്. പൊതുപ്രവര്‍ത്തകനെന്ന നിലയില്‍ എന്നെ സ്നേഹിക്കുകയും സമ്പര്‍ക്കം പുലര്‍ത്തുകയും ചെയ്ത ഒരുപിടി സാധാരണക്കാരായ ആളുകള്‍ ഇതിലുള്‍പ്പെടുന്നു. പരിശോധനയില്‍ രോഗം സ്ഥിരീകരിച്ച സാഹചര്യത്തില്‍ എല്ലാവരും മുന്‍കരുതല്‍ സ്വീകരിക്കണമെന്ന് ഒരിക്കല്‍കൂടി അഭ്യര്‍ഥിക്കുന്നു.