Home topnews കാത്തിരുന്ന് നിർമിച്ച വീട്ടിൽ താമസം തുടങ്ങിയിട്ട് 7 ദിവസം മാത്രം, അമ്മയെ തനിച്ചാക്കി വിനോദിന്‍റെ മടക്കം

കാത്തിരുന്ന് നിർമിച്ച വീട്ടിൽ താമസം തുടങ്ങിയിട്ട് 7 ദിവസം മാത്രം, അമ്മയെ തനിച്ചാക്കി വിനോദിന്‍റെ മടക്കം

വിനോദിന്‍റെ അപ്രതീക്ഷിത അപകടവാർത്തയറിഞ്ഞ ഞെട്ടലിലാണ് സഹപ്രവർത്തകരും സുഹൃത്തുക്കളും. തിരുവനന്തപുരം സ്വദേശിയായ വിനോദ് എറണാകുളം മഞ്ഞുമ്മലിൽ സ്വന്തം വീട്ടിൽ താമസം തുടങ്ങി ദിവസങ്ങൾ മാത്രം പിന്നിടുമ്പോഴാണ് ജോലിക്കിടിയിൽ ഇതരസംസ്ഥാന തൊഴിലാളിയുടെ ആക്രമണത്തിൽ കൊല്ലപ്പെട്ടത്. പുതിയ വീടിന്‍റെ പാലുകാച്ചലിനു വിനോദിന്‍റെ സഹപ്രവർത്തകരെല്ലാം ഇവിടെയെത്തിയിരുന്നു. പിന്നെയും ദിവസങ്ങൾ കഴിഞ്ഞാണ് ഇവിടെ താമസം തുടങ്ങിയത്. അമ്മയുടെ പേരു ചേർത്ത് വീടിനു ലളിതാനിവാസ് എന്നാണു പേരിട്ടത്. സഹോദരി സന്ധ്യ എളമക്കരയിലാണ് താമസം

അപ്രതീക്ഷിത ദുരന്തത്തെ പറ്റി ഒന്നും അറിയുന്നുണ്ടായിരുന്നില്ല അമ്മ. റെയിൽവേ ജീവനക്കാരത്തെി സൂചന നൽകും വരെ. എല്ലാവരുമായും നല്ല രീതിയിൽ ഇടപഴകിയിരുന്ന വിനോദിന്റെ ദുര്യോഗം അമ്മയെ തളര്‍ത്തി.

അച്ഛന്റെ മരണത്തെ തുടർന്നാണ് വിനോദിന് റെയിൽവേയിൽ ജോലി ലഭിച്ചത്. ഏറെ കാത്തിരുന്ന നിർമിച്ച വീടിന്റെ ഗൃഹപ്രവേശം നടത്തി ഏറെ നാൾ കഴിയും മുന്നെയാണ് ദാരുണ സംഭവം വിനോദിന്റെ ജീവനെടുത്തത്. റെയിൽവേയിലെ ജോലി വിനോദിന് ഉപജീവനമായിരുന്നു. സിനിമയിലെ അഭിനയം സ്വപ്നവും. ആ സ്വപ്നത്തിലേക്കുള്ള യാത്രക്കിടെയാണ് രജനീകാന്ത് എന്ന ഇതര സംസ്ഥാന തൊഴിലാളിയുടെ ക്രൂരത വിനോദിന്റെ ജീവനെടുത്തത്.