ഉത്ര വ ധ ക്കേസിലെ പ്രതി സൂരജിനു ഇരട്ട ജീവപര്യന്തം. കൊല്ലം ആറാം അഡീഷനല് സെഷന്സ് കോടതി ജഡ്ജി എം മനോജാണു വിധി പറഞ്ഞത്. പാമ്പിനെ കൊണ്ട് കടിപ്പിച്ച് ഒരാളെ കൊ ലപ്പെടുത്തിയ കേസില് രാജ്യത്ത് ശിക്ഷിക്കപ്പെടുന്ന ആദ്യ കേസാണിത്. സ്വര്ണാഭരണങ്ങള്ക്ക് വേണ്ടി സ്വന്തം ഭാര്യയെ പാമ്പിനെക്കൊണ്ട് കടിപ്പിച്ച് കൊ ലപ്പെടുത്തിയ ഭര്ത്താവ് സൂരജ് കുറ്റക്കാരനാണെന്ന് കോടതി വ്യക്തമാക്കി. വിചിത്രവും പൈശാചികവും ദാരുണവും എന്നാണ് ഉത്ര വധക്കേസിനെപ്പറ്റി സ്പെഷ്യല് പബ്ലിക് പ്രോസിക്യൂട്ടര് ജി. മോഹന്രാജ് കോടതിയോട് പറഞ്ഞത്.
5 ലക്ഷം രൂപ പിഴയും ഒടുക്കണം. കൊല്ലം ജില്ലാ അഡീഷണൽ സെഷൻസ് കോടതിയാണ് ശിക്ഷ വിധിച്ചത്. പരമാവധി ശിക്ഷയായ തൂക്കുകയർ എന്ന ശിക്ഷയിലേക്ക് കോടതി കടന്നില്ല. കേസ് അപൂര്വ്വങ്ങളില് അപൂര്വ്വമാണെന്ന് വാദിച്ച പ്രോസിക്യൂഷന് പ്രതിയ്ക്ക് വധശിക്ഷ നല്കണമെന്നും വാദിച്ചിരുന്നു.
ഇന്ത്യന് ശിക്ഷാനിയമത്തിലെ 302 കൊലപാതകം, 307 വധശ്രമം, 328 വിഷമുള്ള വസ്തുവിനെ ഉപയോഗിച്ചുള്ള കൊ ലപാതകം, 201 തെളിവ് നശിപ്പിക്കല് എന്നിവയാണ് കുറ്റങ്ങള്. 2020 മെയ് ആറിനാണ് മൂര്ഖനെ കൊണ്ട് കടിപ്പിച്ച് സൂരജ് ഉത്രയെ കൊലപ്പെടുത്തിയത്. പാമ്പുപിടുത്തക്കാരനായ സുരേഷിന്റെ കയ്യില് നിന്നാണ് ഇയാള് പാമ്പിനെ വാങ്ങിയത്. ഏപ്രില് മാസത്തില് സൂരജ് അണലിയെ ഉപയോഗിച്ച് യുവതിയെ കൊ ലപ്പെടുത്താന് നോക്കിയിരുന്നു. പാമ്പ് ക ടിയേറ്റെങ്കിലും അന്ന് രക്ഷപ്പെട്ടു. ഇതോടെ സുരേഷിന്റെ കയ്യില് നിന്നും പ്രതി മൂര്ഖനെ വാങ്ങുകയായിരുന്നു. തുടര്ച്ചയായ രണ്ടുതവണ ഉത്രയ്ക്ക് പാമ്പ് ക ടിയേറ്റതോടെ സംശയം തോന്നിയ ബന്ധുക്കള് പരാതി നല്കുകയായിരുന്നു. തുടര്ന്ന് നടത്തിയ അന്വേഷണത്തിലാണ് കൊ ലപാതകമാണെന്ന് കണ്ടെത്തിയത്.