രാജ്യസഭയിൽ ബിജെപിയുടെ ഡെപ്യൂട്ടി ചീഫ് വിപ്പായി വി. മുരളീധരൻ ചുമതലയേറ്റു. ഡൽഹിയിൽ ചേർന്ന ബിജെപി പാർലമെന്ററി പാർട്ടി യോഗമാണ് മുരളീധരനെ രാജ്യസഭയിലെ ഡെപ്യൂട്ടി ചീഫ് വിപ്പായി തെരഞ്ഞെടുത്തത്.രണ്ടാം മോദി മന്ത്രി സഭയിലെ വിദേശകാര്യ സഹമന്ത്രിയാണ് വി. മുരളീധരൻ.
സർക്കാർ ചീഫ് വിപ്പ് കേന്ദ്രമന്ത്രിയായ പ്രഹ്ലാദ് ജോഷിയാണ് . ലോക്സഭയിൽ സഞ്ജയ് ജയ്സ്വാൾ ബിജെപി ചീഫ് വിപ്പാകും. രാജ്യസഭയിൽ പാർട്ടി ചീഫ് വിപ്പായി നാരായണ് ലാൽ പഞ്ചാരിയേയും ബിജെപി നിയമിച്ചു.