പത്തനംതിട്ട: പോലീസിന്റെ നഷ്ടപ്പെട്ട വയര്ലെസ് സെറ്റ് കണ്ടെത്താൻ പമ്പയില് മുങ്ങല്വിദഗ്ധരുടെ തിരച്ചിൽ
പമ്പ നീരേറ്റുപുറം ജലമേളക്കിടെയാണ് രണ്ട് വയര്ലെസ് സെറ്റുകൾ നഷ്ടമായത്. സ്റ്റാര്ട്ടിങ് പോയിന്റില് സുരക്ഷാ ക്രമീകരണത്തിന്റെ ചുമതലയുണ്ടായിരുന്ന പോലീസുകാര് വള്ളത്തിലേക്ക് കയറുന്നതിനിടെയാണ് കൈയ്യിലുണ്ടായിരുന്ന വയര്ലെസ് സെറ്റ് നഷ്ടപ്പെട്ടുപോയത്.
ജലഘോഷയാത്രയടക്കമുള്ള പരിപാടികളുണ്ടായിരുന്നതിനാല് വലിയ ജനത്തിരക്കായിരുന്നു കരയിലും പുഴയിലുമുണ്ടായിരുന്നത്. അതിനാല് ഇന്നലെ വയല്ലെസ് സെറ്റിന് വേണ്ടിയുള്ള തിരച്ചില് സാധ്യമായിരുന്നില്ല. ഞായറാഴ്ച ഉച്ചയ്ക്ക് ശേഷമായിരുന്നു ജലമേള. ഇപ്പോൾ തിരുവല്ല ഫയര്ഫോഴ്സ് യൂണിറ്റിന്റെ മുങ്ങല് വിദഗ്ദര് എത്തിയാണ് തിരച്ചില് നടത്തുന്നത്.
പുഴയില് മൂന്ന് മണിക്കൂറിലധികമായി തിരച്ചില് തുടരുകയാണ്. മുങ്ങല് വിദഗ്ദര് എത്തിയതിനെത്തുടര്ന്ന്, ഒഴുക്കില്പ്പെട്ട ആർക്കോ വേണ്ടിയുള്ള തിരച്ചിലാണെന്ന് കരുതി പ്രദേശത്ത് ആളുകള് തടിച്ചുകൂടുകയുണ്ടായി.