തിരുവനന്തപുരം: സംസ്ഥാനത്ത് ആദ്യമായി സിക്ക വൈറസ് ബാധ സ്ഥിരീകരിച്ചു. തിരുവനന്തപുരത്ത് സ്വകാര്യ ആശുപത്രിയില് ചികിത്സയിലുള്ള പാറശാല സ്വദേശിയായ 24 വയസുകാരിയായ ഗര്ഭിണിയിലാണ് രോഗം റിപ്പോര്ട്ട് ചെയ്തത്. പൂനെ വൈറോളജി ഇന്സ്റ്റിറ്റ്യൂട്ടില് നടത്തിയ സാംപിള് പരിശോധനയിലാണ് വൈറസ് ബാധ സ്ഥിരീകരിച്ചത്.
ഡെങ്കിപ്പനിക്കും ചിക്കന്ഗുനിയക്കും സമാനമായ രോഗലക്ഷണമാണ് സിക്ക വൈറസിനും. ഈഡിസ് വിഭാഗത്തില്പ്പെട്ട കൊതുകാണ് വൈറസ് പരത്തുന്നത്. കൊതുകുകള് വഴി പടരുന്ന രോഗമാണ് സിക്ക. ഡെങ്കിപ്പനിക്കും ചിക്കന്ഗുനിയക്കും സമാനമായ രോഗലക്ഷണമാണ് സിക്ക വൈറസിനും. ഈഡിസ് വിഭാഗത്തില്പ്പെട്ട കൊതുകാണ് വൈറസ് പരത്തുന്നത്.
ജൂണ് 28നാണ് യുവതി പനി, തലവേദന, ചുവന്ന പാടുകള് എന്നീ ലക്ഷണങ്ങളോടെ ആശുപത്രിയില് ചികിത്സ തേടിയത്. ആശുപത്രിയില് നടത്തിയ ആദ്യ പരിശോധനയില് ചെറിയ തോതിലുള്ള പോസിറ്റീവ് കാണിച്ചു. തുടര്ന്ന് സിക്ക വൈറസ് ആണോയെന്നറിയാന് എന്.ഐ.വി. പൂനയിലേക്ക് സാമ്പിളുകള് അയച്ചിട്ടുണ്ട്.എല്ലാ ജില്ലകള്ക്കും ജാഗ്രത നിര്ദേശം നല്കിയിട്ടുണ്ട്.
സിക്ക വൈറസ്
ഫ്ലാവിവിറിഡേ എന്ന വൈറസ് കുടുംബത്തിലെ ഫ്ലാവിവൈറസ് ജനുസിലെ ഒരു അംഗമാണ് സിക്ക വൈറസ് (Zika virus (ZIKV)) പകല് പറക്കുന്ന ഈഡിസ് ജനുസിലെ ഈഡിസ് ഈജിപ്തി പോലുള്ള കൊതുകുകളാണ് ഇവ പകരാന് ഇടായാക്കുന്നത്.
മനുഷ്യരില് സിക്ക പനി എന്നു പേരുള്ള ലഘുപനി വരാന് ഇവ ഇടയാക്കുന്നു. 1950 -കള് മുതല് ആഫ്രിക്കയിലെയും ഏഷ്യയിലെയും ഒരു ചെറിയ മധ്യരേഖാപ്രദേശത്തുമാത്രം ഈ പനി കാണപ്പെട്ടിരുന്നു. 2014 ആയപ്പോഴേക്കും ഈ വൈറസ് പസഫിക് സമുദ്രത്തിലെ ഫ്രഞ്ച് പോളിനേഷ്യയിലേക്കും പിന്നീട് ഈസ്റ്റര് ദ്വീപ് 2015 -ല് മെക്സിക്കോ, മധ്യ അമേരിക്ക, കരീബിയന്, തെക്കേ അമേരിക്ക എന്നിവിടങ്ങളിലേക്കും പകര്ച്ചവ്യാധിയുടെ കണക്ക് വ്യാപിച്ചു.