മലയാളികളുടെ പ്രിയപ്പെട്ട താരകുടുംബമാണ് മമ്മൂട്ടിയുടേത്. മമ്മൂട്ടിയും മകന് ദുല്ഖര് സല്മാനും സിനിമകളില് നിറഞ്ഞ് നില്ക്കുകയാണ്. മലയാളത്തിന് പുറമെ തമിഴിലും ഹിന്ദിയിലും ദുല്ഖര് ഈ കാലയിളവില് തിളങ്ങി കഴിഞ്ഞു. ഇപ്പോള് വാപ്പച്ചിയും മകനും ഒന്നിച്ചെത്തുന്ന ചിത്രത്തിനായി കാത്തിരിക്കുകയാണ് ആരാധകര്. കുറുപ്പ് എന്ന ചിത്രത്തിലൂടെ പാന് ഇന്ത്യന് താരമായി ദുല്ഖര് ഉയര്ന്നു. ഡാന്സ് കോറിയോഗ്രഫര് ബൃന്ദ മാസ്റ്റര് ആദ്യമായി സംവിധാനം ചെയ്യ്ത ‘ഹേ സിനാമിക’ യാണ് ദുല്ഖറിന്റേതായി പുറത്തിറങ്ങിയ പുതിയ ചിത്രം. വിവാഹശേഷം കുടുംബങ്ങളിലുണ്ടാകുന്ന സങ്കീര്ണതകളാണ് ചിത്രത്തിന്റെ പ്രമേയം.
ഇപ്പോഴിതാ വര്ഷങ്ങള്ക്ക് ശേഷം മകളുടെ സ്കൂളില് വച്ച് ക്ലാസ്മേറ്റിനെ കണ്ടുമുട്ടിയ സന്തോഷം പങ്കുവച്ചിരിക്കുകയാണ് ദുല്ഖര് സല്മാന്. വരുണ് മണിയന് എന്ന തന്റെ ക്ലാസ്മേറ്റിന്റെ ട്വീറ്റിന് മറുപടി കൊടുത്ത ദുല്ഖറിന്റെ ട്വീറ്റ് ആണ് ശ്രദ്ധ നേടുന്നത്. വിശ്വസിക്കാനാവുന്നില്ല, ഞാനും ദുല്ഖറും കുട്ടികളെ കൂട്ടാനായി സ്കൂളിനു വെളിയില് വെയ്റ്റ് ചെയ്യുന്നു! സ്കൂളില് ഒന്നിച്ചു പഠിച്ച കുട്ടികളായിരുന്നല്ലോ നമ്മള്’ എന്നായിരുന്നു വരുണ് മണിയന് ട്വീറ്റ് ചെയ്തത്. പിന്നാലെ ദുല്ഖറിന്റെ മറുപടിയും എത്തി. ‘സത്യം. കാലം എങ്ങോട്ടാണ് പോയത്. നിങ്ങളെ കണ്ടതില് വലിയ സന്തോഷം വിഎം.. ആ ഏതാനും മിനിറ്റുകള്ക്കുള്ളില് നിങ്ങള് ഞങ്ങളെ ഒരുപാട് ചിരിപ്പിച്ചു’ എന്നാണ് ദുല്ഖര് കുറിച്ചിരിക്കുന്നത്.