കോഴിക്കോട്. വയോധികനെ കാട്ടുപോത്ത കക്കയത്ത് കുത്തിക്കൊന്ന സംഭവത്തില്‍ കോഴിക്കോട് ശക്തമായ പ്രതിഷേധം. കോണ്‍ഗ്രസ് നേതാക്കളാണ് പ്രതിഷേധം നടത്തുന്നത്. മരിച്ച അബ്രഹാമിന്റെ കുടുംബത്തിന് 50 ലക്ഷം രൂപ നഷ്ടപരിഹാരം നല്‍കണമെന്നും അക്രമിച്ച കാട്ടുപോത്തിനെ വെടിവെച്ച് കൊല്ലാന്‍ ജില്ലാ കളക്ടര്‍ ഉത്തരവിടണമെന്നുമാണ് ആവശ്യം.
ആവശ്യം അംഗീകരിക്കുന്നത് വരെ മൃതദേഹം പോസ്റ്റുമോര്‍ട്ടത്തിനായി മോര്‍ച്ചറിയിലേക്ക് മാറ്റാന്‍ അനുവദിക്കില്ലെന്നും പ്രതിഷേധക്കാര്‍. കോഴിക്കോട് മെഡിക്കല്‍ കോളേജ് ആശുപത്രിയിലാണ് പ്രതിഷേധം. മൃതദേഹം മോര്‍ച്ചറിയിലേക്ക മാറ്റന്‍ ശ്രമിച്ചപ്പോള്‍ കോണ്‍ഗ്രസ് നേതാക്കള്‍ തടഞ്ഞു.
ഡിസിസി പ്രസിഡന്റ് കെ പ്രവീണ്‍കുമാറിന്റെ നേതൃത്വത്തിലായിരുന്നു പ്രതിഷേധം. സ്ഥലത്ത് വന്‍ പോലീസ് സന്നാഹവും ഉണ്ട്. പിന്നീട് കാട്ടുപോത്തിനെ വെടിവെച്ച് കൊല്ലാനുള്ള ഉത്തരവ് ഇറക്കാമെന്ന ജില്ലാ കളക്ടറുടെ ഉറപ്പ് കിട്ടിയതോടെയാണ് പ്രതിഷേധം അവസാനിപ്പിച്ചത്.
