ടാറ്റ ഗ്രൂപ്പ് ആപ്പിൾ ഐഫോൺ നിർമ്മിക്കും

ഐഫോൺ നിർമ്മാണം ചൈനയിൽ നിന്നും ഇന്ത്യയിലെ ടാറ്റയുടെ മടി തട്ടിലേക്ക് പറിച്ചു നടൽ നടത്തുന്നു. ചൈനക്ക് പുറത്ത് ഒരു വമ്പൻ ഐ ഫോൺ നിർമ്മാണ കേന്ദ്രം എന്ന ആപ്പിളിന്റെ സ്വപ്നം സാക്ഷാത്കരിച്ച് ടാറ്റാ മോട്ടോഴ്സ്.ഇനി ഇന്ത്യൻ മെയ്ഡ് ഐ ഫോൺ വരുന്നു. ആപ്പിൾ ഫോൺ നിർമ്മിക്കാൻ ഒരുങ്ങി ടാറ്റ ഗ്രൂപ്പിന്റെ വൻ പദ്ധതി. തായ്‌വാനീസ് ബിസിനസ് ഭീമനായ വിസ്ട്രോണിന്റെ ബെംഗളൂരുവിന് പുറത്തുള്ള നരസപുര ഫാക്ടറി ഏറ്റെടുക്കാനാണ്‌ ടാറ്റ ഏറ്റെടുത്തു കഴിഞ്ഞു.ആപ്പിൾ ഐ ഫോൺ നിർമ്മിക്കാൻ ഉള്ള നീക്കങ്ങളുടെ ഭാഗമാണിത്.ആപ്പിൾ സി.ഇ ഒ യുടെ ഏപ്രിലിൽ നടന്ന ഇന്ത്യാ സന്ദർശനത്തിൽ ടാറ്റ സൺസ് ചെയർമാൻ എൻ ചന്ദ്രശേഖരനുമായി കൂടിക്കാഴ്ച നടത്തി ആഴ്ചകൾക്കുള്ളിലാണ് ഈ നീക്കം.ആപ്പിൾ സിഇഒ ടിം കുക്ക് ടാറ്റക്ക് ആപ്പിൾ ഫോൺ നിർമ്മാണം കൈമാറുന്നതിൽ താല്പര്യം പ്രകടിപ്പിച്ചിട്ടുണ്ട്

ടാറ്റ ഗ്രൂപ്പിന്റെ മെഗാ ഇലക്‌ട്രോണിക്‌സ് നിർമ്മാണ പദ്ധതികളെക്കുറിച്ച് കൂടുതൽ വിവരങ്ങൾ വരാനിരിക്കുന്നതേ ഉള്ളു.“ടാറ്റ ഗ്രൂപ്പിന്റെ തിരഞ്ഞെടുത്ത ഉദ്യോഗസ്ഥർ ഇതിനകം തന്നെ ബാംഗ്ലൂരിലെ വിസ്‌ട്രോൺ ഫാക്ടറിയിൽ എത്തി കൈമാറ്റ നീക്കങ്ങൾക്ക് നേതൃത്വം നല്കുന്നുണ്ട്.ടാറ്റഇതിനകം വിസ്‌ട്രോൺ ഫെസിലിറ്റിയിൽ ഐഫോൺ നിർമ്മിക്കുന്നുണ്ട്. അവരുടെ പ്രതിനിധികളും ഉദ്യോഗസ്ഥരും ഓപ്പറേഷൻസ്, എച്ച്ആർ, അഡ്മിനിസ്‌ട്രേഷൻ എന്നിവയിൽ വിപുലപ്പെടുത്തൽ ഉടൻ ഉണ്ടാകും.

ആപ്പിളാകട്ടേ ചൈനയ്‌ക്ക് പുറത്ത് ഒരു വലിയ ഉൽപ്പാദന കേന്ദ്രം വികസിപ്പിക്കുന്നതിലും വിജയിച്ചിരിക്കുകയാണ്‌.ആപ്പിളിന്റെ നിർമ്മാണ ഇക്കോ സിസ്റ്റം വളർത്തുന്നതിന് മാത്രമല്ല – “വിശ്വസനീയമായ ഇന്ത്യൻ കോർപ്പറേറ്റുകളെ” ഉൾപ്പെടുത്താനും ആപ്പിളിനെ പ്രോത്സാഹിപ്പിക്കുന്നതിൽ കേന്ദ്ര സർക്കാരും നിർണ്ണായക പങ്ക് വഹിച്ചു.ചൈനയിൽ നിന്നും ആപ്പിൾ ഫോൺ നിർമ്മാണം ഇന്ത്യയിലേക്ക് കൂടു മാറുന്നതോടെ ബില്യൺ കണക്കിനു ഡോളർ നികുതി വരുമാനമായി കേന്ദ്ര സർക്കാരിനും ബന്ധപ്പെട്ട സംസ്ഥാന സർക്കാരിനും ലഭിക്കും.ഒരു വർഷം 4 ബില്യണിലധികം ഫോണുകൾ ഐ ഫോൺ കമ്പിനി വില്ക്കുന്നുണ്ട്.