തീവണ്ടി ആക്രമണം ; ഷാരൂഖ് സെയ്ഫിക്ക് കരള്‍രോഗം; എലിവിഷം കഴിച്ചതാവാനും സാധ്യത

കോഴിക്കോട്: തീവണ്ടി ആക്രമണക്കേസ് പ്രതി ഷാരൂഖ് സെയ്ഫിക്ക് ഗുരുതര കരള്‍രോഗമെന്ന് ഡോക്ടർമാർ .
എലിവിഷംപോലുള്ളവ അകത്തുചെന്നാലോ എലിപ്പനി ബാധിച്ചാലോ, ചിലർക്ക് കരൾവീക്കമുള്ളപ്പോളോ കാണുന്ന ലക്ഷണമാണ് പരിശോധനയിൽ തെളിഞ്ഞത്. മെഡിക്കൽ കോളേജ് ആശുപത്രിയിലാണ് പ്രവേശിപ്പിച്ചു.

ഞായറാഴ്ച രാത്രി 9.30-ഓടെ എലത്തൂരിൽ തീവണ്ടിയിൽ തീയിട്ടശേഷം രക്ഷപ്പെട്ട പ്രതി ബുധനാഴ്ച പുലർച്ചെ ഒന്നോടെയാണ് മഹാരാഷ്ട്രയിലെ രത്‌നഗിരി റെയിൽവേ സ്റ്റേഷനു സമീപത്തുനിന്ന് അറസ്റ്റിലായത്. രാവിലെ 11-ഓടെ പ്രതിയുമായി പോലീസ് കേരളത്തിലേക്ക് തിരിച്ചു.

കോഴിക്കോട് എത്തിയ പ്രതിയെ വ്യാഴാഴ്ച രാവിലെ ആറോടെയാണ് വെള്ളിമാടുകുന്നിലെ മാലൂർകുന്ന് എ.ആർ.ക്യാമ്പിലെത്തിച്ചത്. ഏഴു മുതൽ 11 വരെ എ.ഡി.ജി.പി. എം.ആർ. അജിത്കുമാർ, ഐ.ജി. നീരജ്കുമാർ ഗുപ്ത, സിറ്റി പോലീസ് കമ്മിഷണർ രാജ്പാൽ മീണ എന്നിവരുടെ നേതൃത്വത്തിൽ ചോദ്യംചെയ്തു. കേസന്വേഷിക്കാനായി മലപ്പുറം ക്രൈബ്രാഞ്ച് എസ്.പി. പി. വിക്രമന്റെ നേതൃത്വത്തിൽ പ്രത്യേക അന്വേഷണസംഘം രൂപവത്കരിച്ചിരുന്നു.