ന്യൂഡല്‍ഹി. കേരളം അടക്കം 13 സംസ്ഥാനങ്ങളിലെ പോപ്പുലര്‍ ഫ്രണ്ട് ഓഫിസുകളില്‍ എന്‍ഐഎ നടത്തിയ റെയ്ഡില്‍ 106 പേരെ കസ്റ്റഡിയില്‍ എടുത്തു. കസ്റ്റഡിയില്‍ എടുത്തവരില്‍ ദേശീയ നേതാക്കളും സംസ്ഥാന നേതാക്കളുമുണ്ട്. കേരളത്തില്‍ നിന്ന് 22 പേരെയാണ് കസ്റ്റഡിയില്‍ എടുത്തത്. തിരുവനന്തപുരം,കോട്ടയം, പത്തനംതിട്ട, തൃശര്‍, കണ്ണൂര്‍ എന്നിവിടങ്ങളിലാണ് റെയ്ഡ് നടന്നത്. ഇതില്‍ എട്ട് പേരുടെ അറസ്റ്റ് എന്‍ഐഎ രേഖപ്പെടുത്തിയതായിട്ടാണ് വിവരം. ഇവരെ കോടതിയില്‍ ഹാജരാക്കിയ ശേഷം ഡല്‍ഹിയിലേക്ക് കൊണ്ടുപോയി.
ഇടുക്കി ജില്ലാ സെക്രട്ടറി സൈനുദ്ദീന്‍, ദേശീയ പ്രസിഡന്റ് ഓഎംഎ സലാം, ദേശീയ സെക്രട്ടറി നസറുദ്ദീന്‍ എളമരം, സംസ്ഥാനപ്രസിഡന്റ് മുഹമ്മദ് ബഷീര്‍, പത്തനംതിട്ട ജില്ലാ സെക്രട്ടറി സാദിഖ് നജിമുദീന്‍, കോയ, അബ്ദുള്‍ റഹ്‌മാന്‍, ദേശീയ വൈസ് പ്രസിഡന്റ് അബ്ദുള്‍ റഹ്‌മാന്‍ എന്നിവരെയാണ് എന്‍ഐഎ കസ്റ്റഡിയില്‍ എടുത്തത്. കൂടാതെ തമിഴ്‌നാട് സ്വദേശികളായ മുഹമ്മദലി ജിന്ന, മുഹമ്മദ് ഷാഹിദ് എന്നിവരെ കോട്ടയത്തു നിന്നും പിടികൂടി ഇവരെ നെടുമ്പാശേരി വിമാനത്താവളത്തില്‍ എത്തിച്ചു.
രാജ്യ വ്യാപകമായി നടന്ന എന്‍ ഐ എ റെയ്ഡില്‍ പോപ്പുലര്‍ ഫ്രണ്ട് നേതാക്കളുടെ ആദ്യ പ്രതികരണം പുറത്ത്. റെയ്ഡിനെ ചോദ്യം ചെയ്യുകയാണ്. ഇതെല്ലാം ആര്‍/എസ് എസ് അജണ്ടയാണ്. ആ അജണ്ടയാണ് എന്‍ ഐ എയും കേന്ദ്ര സര്‍ക്കാരും നടപ്പിലാക്കുന്നത് എന്നും വന്‍ പ്രക്ഷോഭം നടത്തും എന്നും പോപ്പുലര്‍ഫ്രണ്ട് സംസ്ഥാന സെക്രട്ടറി സി.എ റൗഫ് മുന്നറിയിപ്പ് നല്കി.കേരള വ്യാപകമായി നാളെ ഹര്‍ത്താല്‍ നടത്തുമെന്ന സൂചനയും നല്കി. കസ്റ്റഡിയില്‍ എടുത്ത നേതാക്കളെ വിട്ടയച്ചില്ലെങ്കില്‍ സംസ്ഥാന വ്യാപകമായി നാളെ ഹര്‍ത്താല്‍ നടത്തുമെന്നാണ് പോപ്പുലര്‍ ഫ്രണ്ട് അറിയിച്ചിരിക്കുന്നത്. പോപ്പുലര്‍ഫ്രണ്ട് സംസ്ഥാന സെക്രട്ടറി സി.എ റൗഫ് വാര്‍ത്താ സമ്മേളനത്തിലാണ് ഇക്കാര്യം വ്യക്തമാക്കിയത്. അദ്ദേഹം പറയുന്നത് ഇങ്ങിനെ…ഭരണകൂട ഭീകരതയാണ് നടക്കുന്നത്. അര്‍ദ്ധരാത്രി വീടുകളില്‍ കയറി എന്‍ഐഎ ഭീകരാന്തരീക്ഷം സൃഷ്ടിച്ചു. നിരോധിക്കാനാണ് നീക്കം എങ്കില്‍ നടക്കില്ല. പോപ്പുലര്‍ഫ്രണ്ടിന്റെ ആശയങ്ങള്‍ പുതിയ തലമുറ ഏറ്റെടുത്ത് കഴിഞ്ഞെന്നും റൗഫ് വാര്‍ത്താ സമ്മേളനത്തില്‍ പ്രതികരിച്ചു.
കസ്റ്റഡിയില്‍ എടുത്ത നേതാക്കളെ ഉടന്‍ വിട്ടയക്കണം. ഇല്ലെങ്കില്‍ പ്രതിഷേധം ശക്തമാക്കുമെന്നും റൗഫ് പ്രതികരിച്ചു. രാവിലെ മുതല്‍ തന്നെ പല ജില്ലകളിലും പോപ്പുലര്‍ഫ്രണ്ട് പ്രവര്‍ത്തകര്‍ പ്രതിഷേധവുമായി തടിച്ച് കൂടിയിരുന്നു. പരിശോധനയില്‍ പ്രതിഷേധിച്ച് കണ്ണൂരിലും മലപ്പുറത്തും പോപ്പുലര്‍ഫ്രണ്ട് റോഡ് ഉപരോധിച്ചു. ഇവരെ പോലീസ് അറസ്റ്റ് ചെയ്ത് നീക്കി. ബോലോ തക്വീര്‍ വിളിച്ചാണ് പ്രതിഷേധിക്കുന്നത്.
സിനിമാ നടൻ പരേതനായ ബാലൻ കെ നായരുടെ മകൻ വാടാനാംകുറുശ്ശി രാമൻകണ്ടത്ത് അജയകുമാർ (54) അന്തരിച്ചു. ഷൊർണൂർ കളർ ഹട്ട്…
ഷൊര്‍ണ്ണൂര്‍ റെയില്‍വെഷൊര്‍ണൂര്‍ റെയില്‍വേ സ്റ്റേഷനില് നിന്ന് യാത്രക്കാരന്‍ വാങ്ങിയ ഭക്ഷണത്തില്‍ ചത്ത തവളയെ കണ്ടെത്തി. ആലപ്പുഴ സ്വദേശി വാങ്ങിയ വടക്കൊപ്പം…
തിരുവനന്തപുരം: സംസ്ഥാനത്ത് ഇന്ന് കനത്ത മഴയ്ക്ക് സാധ്യത. മൂന്ന് ജില്ലകളിൽ ഇന്ന് റെഡ് അലേർട്ട് പ്രഖ്യാപിച്ചപ്പോൾ ആറ് ജില്ലകളിൽ ഓറഞ്ച്…
ഇടുക്കി: അതിർത്തി തർക്കത്തിന്റെ പേരിൽ അടിമാലി ശല്യംപാറയിൽ അയൽവാസിയെ സിപിഎം ബ്രാഞ്ച് സെക്രട്ടറി വെട്ടിപ്പരിക്കേൽപിച്ചു. സിപിഎം ബ്രാഞ്ച് സെക്രട്ടറി കെ…
ഇസ്രയേൽ-ഗാസ യുദ്ധം വീക്ഷിക്കുന്ന എല്ലാവർക്കും വളരെ പ്രധാനപ്പെട്ട ഒരു വാർത്ത. ഹമാസിന്റെ ഏറ്റവും ഉയർന്ന കമാൻഡർ റാദ് സാദിനെ വധിച്ചിരിക്കുന്നു…
കണ്ണൂര്‍: പെരിയ ഇരട്ടക്കൊലക്കേസ് പ്രതിയുടെ മകന്റെ വിവാഹത്തിൽ പങ്കെടുത്തതിൽ ജാഗ്രത കുറവില്ലെന്ന് കെപിസിസി മുൻ സെക്രട്ടറി ബാലകൃഷ്ണൻ പെരിയ. അതിന്റെ…