ഏഴാം ക്ലാസ് വിദ്യാർത്ഥിയുടെ മരണത്തിന് പിന്നിൽ സഭ നേതൃത്വം നടത്തുന്ന സ്കൂളുകളുടെ പീഡനമോ?

കൊടുങ്ങല്ലൂരിലെ പുഴയിൽ ദുരൂഹ നിലയിൽ മരിച്ച ഏഴാം ക്ലാസ് വിദ്യാർത്ഥിയുടെ മരണത്തിന് പിന്നിൽ ക്രിസ്ത്യൻ സഭ നേതൃത്വം നടത്തുന്ന സ്കൂളുകളുടെ പീഡനമോ? കാവിൽകടവ് പാറേക്കാട്ടിൽ ജാക്സൻ്റെ മകൻ ഷോൺ സി. ജാക്സൺ (12) ആണ് കഴിഞ്ഞ ദിവസം പുഴയിൽ നിന്നും പഴകിയ നിലയിൽ ലഭിച്ചത്.സ്കൂളിൽ നടന്ന പീഢനം വ്യക്തമാക്കുന്ന കുറിപ്പ് പോലീസ് കണ്ടെടുത്തു

പണ്ട് എഴുപതുകളിലും എൺപതുകളിലും പാവപ്പെട്ട കുട്ടികളെ സൗജന്യമായി പഠിപ്പിക്കുന്ന ഓർഫനേജുകളിൽ വ്യാപകമായി കൂട്ടികൾ ചേർന്ന് പഠിച്ചിരുന്നു. എന്നാൽ നിലവിൽ ഗവണമെൻ്റ് വിദ്യാഭ്യാസ സ്ഥാപനങ്ങളിൽ പഴയതിലും നല്ല നിലവാരം വന്നതോടെ ഓർഫനേജ് സൗജന്യം തിരഞ്ഞെടുക്കുന്നത് കുറഞ്ഞു. ഇതോടെ മെറിറ്റ് അടിസ്ഥാനത്തിൽ കുട്ടികളെ ചേർത്ത് പഠിപ്പിക്കുന്ന പല രീതികളും സ്കൂളുകൾ ആരംഭിച്ചു. രാജഗിരി സേവാഗ്രാം പള്ളിക്കൂടം വിദ്യാർത്ഥിയായിരുന്ന ഷോൺ ജാക്സൺ സഭ നേതൃത്വത്തിന്റെ സ്കൂളുകളിലെ പീഡനത്തിന്റെ ഇരയാണെന്നാണ് വിവരം. ആദ്യകാലങ്ങളിൽ പഠിക്കാൻ പോകാൻ താൽപര്യമുണ്ടായിരുന്ന കുട്ടിക്ക് പിന്നീട് ബോർഡിങ്ങിൽ പോകാൻ ഇഷ്ടമില്ലാതാവുകയായിരുന്നു. സ്കൂളിൽ പോകുന്നില്ലെന്ന വാശിയാണ് കുട്ടിയെ ആത്മഹത്യയിലേക്ക് നയിച്ചത് എന്നാണ് വിവരം.

കോട്ടയം രാജഗിരി സ്കൂളിലെ വിദ്യാർത്ഥിയാണ് ജാക്സൺ. കഴിഞ്ഞ ദിവസം രാവിലെ മുതൽ കുട്ടിയെ വീട്ടിൽ നിന്നും കാണാതാവുകയായിരുന്നു. തിരച്ചിൽ നടത്തുന്നതിനിടെ എൽത്തുരുത്ത് വീരഭദ്ര ക്ഷേത്രത്തിന് സമീപം പുഴയിൽ മൃതദേഹം കണ്ടെത്തുകയായിരുന്നു. സംഭവത്തില്‍ കൊടുങ്ങല്ലൂർ പൊലീസ് അന്വേഷണം നടത്തുകയാണ്.