യുക്രെയ്ൻ നഗരമായ ബുച്ചയിലെ തെരുവിൽ 20 മൃതദേഹങ്ങൾ കണ്ടെത്തി

കീവ്∙ യുദ്ധം രൂക്ഷമായ യുക്രെയ്ൻ നഗരമായ ബുച്ചയിലെ തെരുവിൽ നിന്ന് 20 മൃതദേഹങ്ങൾ കണ്ടെത്തി. ഒരാളുടെ മൃതദേഹം കൈകൾ കെട്ടിവച്ച നിലയിലാണ് കണ്ടെത്തിയത്.

20 മൃതദേഹങ്ങളിൽ 16 എണ്ണവും തെരുവുകളിൽ നിന്നാണ് കണ്ടെത്തിയത്. മൂന്നു മൃതദേഹങ്ങൾ റോഡിൽ നിന്ന് കിട്ടിയപ്പോൾ മറ്റൊരു മൃതദേഹം വീട്ടുമുറ്റത്ത് നിന്നാണ് കണ്ടുകിട്ടിയത്. മൃതദേഹങ്ങൾ പലതും അഴുകി തുടങ്ങിയിരുന്നു. മരണകാരണം വ്യക്തമല്ല.

കീവ് നഗരം പിടിച്ചെടുക്കുന്നതിൽ പരാജയപ്പെട്ട റഷ്യ, കഴിഞ്ഞ ദിവസങ്ങളിൽ ബുച്ച ഉൾപ്പെടെ കീവിന് ചുറ്റുമുള്ള നഗരങ്ങളിൽ നിന്ന് സേനയെ തിരികെ വിളിച്ചിരുന്നു.

അതേസമയം, റഷ്യൻ സേനയിൽനിന്നു നഗരം പിടിച്ചെടുത്തതാണെന്ന് യുക്രെയ്‌ൻ അവകാശപ്പെട്ടു. നിരവധി സ്ഫോടനങ്ങളുണ്ടായ നഗരത്തിൽ അപ്പാർട്മെന്റുകളും റോഡുകളും തകർന്ന നിലയിലാണ്.