മാതാപിതാക്കൾ കാറിനുള്ളിൽ മറന്നുവെച്ചു, 3-വയസുകാരിക്ക് ദാരുണ മരണം

മാതാപിതാക്കൾ കാറിൽ വച്ച് മറന്ന മൂന്നു വയസുകാരി മരിച്ചു. രാജസ്ഥാനിലെ കോട്ടയിൽ ബുധനാഴ്ച വൈകിട്ടായിരുന്നു ദാരുണ സംഭവം ഉണ്ടായത്. വിവാഹം കൂടാൻ പോയ മാതാപിതാക്കൾ കാറിൽ നിന്ന് കുട്ടിയെ എടുക്കാൻ മറക്കുകയായിരുന്നു. രണ്ടു മണിക്കൂറിന് ശേഷമാണ് കുട്ടിയെ മറന്നുവച്ച കാര്യം അച്ഛനും അമ്മയും മനസിലാക്കുന്നത്.

പ്ര​ദീപ് ന​ഗറിന്റെ മകൾ​ ​ഗോർവിക ന​ഗർ ആണ് മരിച്ചത്. ജോരവാർപുര ​ഗ്രാമത്തിൽ നടന്ന വിവാഹത്തിൽ പങ്കെടുക്കാനാണ് രണ്ടുപെൺ മക്കളുമായി പ്രദീപ് എത്തിയത്. മൂത്ത മകൾ അമ്മയ്‌ക്കൊപ്പം കാറിൽ നിന്നിറങ്ങി. ഇതോടെ മൂവരും ഇറങ്ങിയെന്ന് കരുതി പ്രദീപ് കാർ പാർക്ക് ചെയ്ത് ലോക്ക് ചെയ്യുകയായിരുന്നു. പിന്നീട് ഇവർ രണ്ടു ​ഗ്രൂപ്പുകളായി പിരിഞ്ഞാണ് വിവാ​ഹത്തിൽ പങ്കെടുത്തത്.

രണ്ടു മണിക്കൂറിന് ശേഷം കണ്ടുമുട്ടിയപ്പോഴാണ് ഇളയ മകൾ ഇല്ലെന്ന കാര്യം ദമ്പതികൾ മനസിലാക്കുന്നത്. ഉടനെ പാഞ്ഞെത്തി കാറിൽ നോക്കുമ്പോൾ ബോധരഹിതയായ ​ഗോർവികയെയാണ് കണ്ടെത്തുന്നത്. ആശുപത്രിയിലെത്തിച്ചെങ്കിലും ഡ‍ോക്ടർ മാർ മരണം സ്ഥിരീകരിച്ചു.