രാഹുൽ ഇവിടെയൊന്നു വരണം, ഇവരെയൊന്നു കാണണം, രാജീവ് കോളനിയിലെ 51 വീടുകൾ കാറ്റിൽ ഇളകി ആടുകയാണ്.

രാജ്യം മുഴുവൻ പദയാത്ര നടത്തുന്ന രാഹുൽ ഇവിടെക്കൊന്നു വരണം. ഈ മനുഷ്യ ജീവികളെ ഒന്ന് കാണണം. ഇങ്ങനെയും കുറച്ച് മനുഷ്യർ നിത്യ ദുരിതത്തിൽ ഇവിടെ കഴിയുന്നുണ്ടെന്ന് ഒന്ന് അറിയൂ. രാജീവ് ഗാന്ധി ദശലക്ഷം ഭവന പദ്ധതിയിൽ വീട് കിട്ടിയവരാണിവർ. ഇവരുടെ വീടുകൾ മഴയും കാറ്റും വന്നാൽ കുലുങ്ങി ആടുകയാണ്. ഏതു നിമിഷം ദുരന്തമെത്തുമെന്നറിയാതെ മറ്റേതു മാർഗ്ഗവുമില്ലാതെ ആടിയുലയുന്ന വീടുകൾക്കുള്ളിൽ മരണത്തെ മുന്നിൽ കണ്ടു ജീവിതം തള്ളി നീക്കുകയാണ് ഈ മനുഷ്യ ജീവികൾ.

അടൂരിലെ കടമ്പനാട് പഞ്ചായത്തിലെ നാലാം വാർഡിൽ 51 ഓളം കുടുംബങ്ങൾ മഴക്കാറ് കണ്ടാലും, മഴ പെയ്താലും, ഇടിവന്നാലും ഭയപ്പാടോടെ ജീവിക്കുന്നു. 25 വർഷം മുൻപ് ഇവർക്ക് നൽകിയ മൂന്നും, അഞ്ചും സെനറ്റ് ഭൂമിയ്ക്ക് ഇനിയും പട്ടയം പോലും കിട്ടിയിട്ടില്ല. ഹൌസിങ് ബോർഡ് 25 വർഷങ്ങൾക്ക് മുൻപാണ് ചില വീടുകൾ നൽകിയിരിക്കുന്നത്. ചിലർക്കാവട്ടെ പന്ത്രണ്ടും, പതിനഞ്ചും വർഷങ്ങൾക്ക് മുൻപും വീടുകൾ അനുവദിച്ചു നൽകുകയായിരുന്നു. വീട് അനുവദിക്കുമ്പോൾ നാല്പതിനായിരം രൂപ ഗഢുക്കളായി അടക്കണമെന്ന് പറഞ്ഞാണ് വീടുകൾ അനുവദിച്ച് നൽകിയത്. വീട് അനുവദിക്കുമ്പോൾ ഓരോ കുടുംബവും അന്ന് 3500 രൂപ ആദ്യ ഗഡുവായി അടക്കണമായിരുന്നു.

ഇന്ന് ഏതു നിമിഷവും നിലം പൊത്താറായ അവസ്ഥയിലായ വീടുകളിൽ കഴിയുന്നവർ പട്ടയം കിട്ടാത്തതിനാൽ വളരെയേറെ ബുദ്ധിമുട്ടുകയാണ്.എന്തിനും ഏത് ആവശ്യത്തിനും നികുതിയടച്ച രസീതി ആണ് ചോദിക്കുന്നതെന്നു വീടിന്റെ ഉടമകൾ പരാതിപ്പെടുന്നു. പട്ടയത്തിന്റെ കാര്യത്തിൽ കഴിഞ്ഞ 25 വർഷങ്ങളായി എം പിയാലും, എം എൽ എ ആലും കബളിപ്പിക്കപ്പെട്ട ഈ പാവങ്ങളുടെ ദുരിതക്കഥകൾ കേൾക്കൂ. കർമ്മ ന്യൂസ് വീഡിയോ കാണൂ.