പയ്യന്നൂരിൽ മകന്റെ ഭാര്യയുമായി 61കാരനായ പിതാവ് ഒളിച്ചോടി

പയ്യന്നൂരിൽ നിന്നും പുറത്തുവരുന്നത് ഒരു വിത്യസ്തതരം ഒളിച്ചോട്ടത്തിന്റെ വാർത്തയാണ്. 61കാരൻ മകന്റെ ഭാര്യയുമായി നാടുവിട്ടു. വെള്ളരിക്കുണ്ട് കൊന്നക്കാട് വള്ളി കൊച്ചിയിലെ അറുപത്തിയൊന്നുകാരനായ വിൻസെന്റാണ്‌ 33 കാരിയായ മകന്റെ ഭാര്യ റാണിയുമായി നാടുവിട്ടത്. രണ്ട് മക്കളുള്ള റാണി ഏഴു വയസ്സുകാരനെയും കൂടെക്കൂട്ടി.

പത്തനംതിട്ട എരുമേലി സ്വദേശിയായ റാണി സ്വകാര്യ ആശുപത്രിയിലെ റിസപ്ഷനിസ്റ്റായി ജോലി ചെയ്യവെയാണ് ആശുപത്രിയിലെ ആംബുലൻസ് ഡ്രൈവറായ പ്രിൻസുമായി പ്രണയത്തിലാവുകയും വിവാഹം ചെയ്യുകയും ചെയ്യുന്നത്. രണ്ടു മക്കളുമായി ഭർത്താവിനൊപ്പം കഴിയുന്നതിനിടെയാണ് ഭർതൃപിതാവുമായി നാടുവിട്ടത്. വീട്ടുകാരും നാട്ടുകാരും പോലിസും ഇവരുടെ പ്രണയത്തെ പലതവണ വിലക്കിയതാണ്.

അപ്പനും ഭാര്യയും തമ്മിലുള്ള ബന്ധം തടയാൻ പ്രിൻസ് പലതരം ശ്രമം നടന്നിരുന്നുവെങ്കിലും വിജയിച്ചിരുന്നില്ല. അവസാനംയുവതിയെ ഭർത്താവ് സ്വന്തം നാട്ടിലേക്ക് പറഞ്ഞു വിട്ടുവെങ്കിലും കാമുകനായ പിതാവ് മറ്റൊരു വാഹനം അയച്ച് നാട്ടിലെത്തിക്കുകയും കഴിഞ്ഞ ദിവസം നാടുവിടുകയുമായിരുന്നു.

വിൻസെന്റിന്റെ ഭാര്യ വത്സമ്മയുടെ പരാതിയിൽ കേസെടുത്ത വെള്ളരിക്കുണ്ട് പൊലീസ് സൈബർ സെല്ലിന്റെ സഹായത്തോടെ മൊബെൽ ടവർ ലൊക്കേഷൻ പയ്യന്നൂരിൽ കണ്ടെത്തി. തുടർന്ന് വെള്ളരിക്കുണ്ട് പ്രിൻസിപ്പൽ എസ്.ഐ.പി ബാബുമോൻ പയ്യന്നൂർ പോലിസിന്റെ സഹായം തേടി. പോലിസ് പയ്യന്നൂരിലെ ലോഡ്ജുകളിൽ പരിശോധന നടത്തിയെങ്കിലും ഇരുവരേയും കണ്ടെത്താനായില്ല. ഇരുവരുടെയും മൊബെൽ ഫോൺ സ്വിച്ച് ഓഫാണ്. പോലിസ് ആശുപത്രികൾ കേന്ദ്രീകരിച്ചും അന്വേഷണം തുടങ്ങിയിട്ടുണ്ട്.