നായ കടിച്ച് പേവിഷബാധക്ക് 3 ഡോസ് ഇൻജക്‌ഷനെടുത്ത 21 കാരി മരിച്ചു.

തിരുവനന്തപുരം. വീട്ടിൽ വളർത്തുന്ന നായ ഒരു മാസം മുൻപ് കടിച്ച യുവതി പേവിഷബാധയ്ക്കെതിരെയുള്ള 3 ഡോസ് ഇൻജക്‌ഷനെടുത്ത പിറകെ വീട്ടിൽ കുഴഞ്ഞു വീണു മരിച്ചു. ആനാട് മൂഴി പെരുംകൈത്തോട് വീട്ടിൽ സത്യശീലൻ – സതീഭായി ദമ്പതികളുടെ മകൾ അഭിജ (21) ആണ് മരണപ്പെട്ടത്.

പേവിഷബാധയ്ക്കെതിരെയുള്ള 3 ഡോസ് ഇൻജക്‌ഷനും അഭിജക്ക് എടുത്തിരുന്നു. അവസാന ഡോസ്കോളജിൽനിന്നാണ് ഓഗസ്റ്റ് 17 ന് എടുക്കുന്നത്. അഭിജയെ ഒന്നരമാസം മുൻപാണ് വീട്ടിലെ നായ കടിക്കുന്നത്. പേവിഷബാധയ്ക്കെതിരായ ഇൻജക്‌ഷനുകളെല്ലാം അഭിജക്ക് പിന്നീട് എടുക്കുകയായിരുന്നു. ചൊവ്വാഴ്ച രാവിലെ തല പെരുക്കുന്നതായി അഭിജ അമ്മയോട് പറഞ്ഞിരുന്നു.

പുറത്തുപോയിരുന്ന അമ്മ മടങ്ങി എത്തുമ്പോൾ ബോധംപോയ അവസ്ഥയിലായിൽ അഭിജ കിടക്കുന്നതാണ് കാണുന്നത്. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മെഡിക്കൽ കോളജ് മോർച്ചറിയിൽ. അവിവാഹിതയാണ്. അനൂജയാണ് ഏക സഹോദരി. പോസ്റ്റുമോർട്ടം റിപ്പോർട്ട് പുറത്തുവരുമ്പോഴേ മരണകാരണം വ്യക്തമാകൂ.