അദർ പൂനെവാലയ്ക്ക് വൈ കാറ്റഗറി അല്ല സെഡ് പ്ലസ് സുരക്ഷ തന്നെ വേണമെന്ന് ഹർജി

കൊവിഷീൽഡ് വാക്‌സിൻ ഉത്പാദകരായ സെറം ഇൻസ്റ്റിറ്റ്യൂട്ട് സി.ഇ.ഒ അദർ പൂനെവാലയ്ക്കും കുടുംബത്തിനും സെഡ് പ്ലസ് സുരക്ഷ വേണമെന്നാവശ്യപ്പെട്ട് മുംബൈ ഹൈക്കോടതിയിൽ ഹർജി. അഭിഭാഷകൻ ദത്തമാനെയാണ് ഹർജി നൽകിയത്. നിലവിൽ ലണ്ടനിലാണ് പൂനവാല ഉള്ളത്.

നിലവിൽ പൂനെവാലയ്ക്ക് വൈ കാറ്റഗറി സുരക്ഷയാണുള്ളത്. ഇത് പോര എന്നാണ് ഹർജിയിലെ ആവശ്യപെട്ടിരിക്കുന്നത്. അദർ പൂനെവാലയ്ക്ക് നിരവധി ഭീഷണികൾ വരുന്ന പശ്ചാത്തലത്തിൽ അദ്ദേഹത്തിനും കുടുംബത്തിനും സ്ഥാപനങ്ങൾക്കുമാണ് സെഡ് പ്ലസ് സുരക്ഷ ആവശ്യപ്പെട്ടിരിക്കുന്നത്. മഹാരാഷ്ട്ര പോലീസ് കമ്മീഷണറോട്‌ പൂനവേലിക്കെതിരെ ഉയരുന്ന ഭീഷണികൾക്കെതിരെ കേസ് ഫയൽ ചെയ്യാനും ആവശ്യപ്പെട്ടിട്ടുണ്ട്.