ഇവർ 3 ദിവസമായി ആഹാരം കഴിച്ചിട്ട്, കൊടും പട്ടിണിയിൽ, ഭരണ സിരാകേന്ദ്രത്തിന്റെ മൂക്കിനു കീഴിൽഅമ്മയും മക്കളും പേരക്കുട്ടികളും മകനും അനുഭവിക്കുന്നത്

കേരളത്തിലെ തിരുവനന്തപുരത്ത് താമസിക്കുന്ന ഒരു കുടുംബത്തിന്റെ അവസ്ഥയാണ് കർമ ന്യൂസ് പുറം ലോകത്തെത്തിക്കുന്നത്.3 ദിവസമായി അഹാരം കഴിച്ചിട്ട്, കുട്ടികൾ മയങ്ങി വീഴുന്നു, വൃദ്ധ മാതാവിനു വിശക്കുന്നു, ഓർമ്മ ശക്തി നഷ്ടപെട്ട സഹോദരനാവട്ടേ വിശപ്പ് എന്തെന്നറിയാനുള്ള സംവേദന ക്ഷമതയും ഇല്ലാതായി. മുഖ്യമന്ത്രിയുടെ മൂക്കിനു കീഴിൽ ആണിതൊക്കെ. ഇവർക്ക് തുറന്ന കക്കൂസാണ്‌ ഉള്ളത്.യുവതിയും മക്കളും യുവതിയുടെ അമ്മയും അനിയനും അടങ്ങുന്നതുമാണ് കുടുംബം. 70 വയസ്സുകാരിയായ അമ്മ വളരെ രോ​ഗാവസ്ഥയിലാണ്. തലച്ചോറ് ചുരുങ്ങുന്ന രോ​ഗമാണ് അമ്മക്ക്, കിടന്ന കിടപ്പിൽ കഴിയുന്ന അമ്മക്ക് കിടക്കാൻ ഒരു കട്ടിൽ പോലുമില്ലെന്ന് യുവതി കർമ ന്യൂസിനോട് കരഞ്ഞുകൊണ്ട് പറഞ്ഞു.

ഒരു ആഴ്ച്ചത്തേ റേഷൻ വാങ്ങാൻ 55 രൂപ മതി. എന്നാൽ അതും ഇല്ല. എന്തുകൊണ്ടാണ്‌ ഒരു 55 രൂപ പോലും ഇല്ലാത്തത് എന്ന് ചോദിക്കാം..എഴുതി അവതരിപ്പിക്കാൻ ബുദ്ധിമുട്ടാണ്‌. വിഡിയോ നിർബന്ധമായും കാണുക..സ്ഥിരമായി ഒരു വരുമാനം ഇല്ലാത്ത കുടുംബത്തിന് നല്ല ഒരു ഭക്ഷണം പോലും കഴിക്കാൻ കൊതിയാണ്, കഴിഞ്ഞ ദിവസമെല്ലാം പട്ടിയിണിയാലിരുന്നു, മക്കൾ ഇടക്കെല്ലാം നല്ല ഭക്ഷണം ചോദികക്കാറുണ്ട്, അത് പോലും കൊടുക്കാൻ സാധിക്കാത്ത അവസ്ഥയാണെന്ന് യുവതി പറയുന്നു. ആകെ ആശ്രയമുള്ള അനിയനും മാനസിക രോ​ഗത്തിന് അടിമയാണ്, പതിനാറാം വയസ്സു മുതലാണ് അദ്ദേഹത്തിന് രോ​​ഗം ആരംഭിക്കുന്നത്, എന്ത് ചെയ്യണമെന്നറിയാതെ പകച്ചു നിൽക്കുകയാണ് കുടുംബം.

ആദ്യ ഭർത്താവ് മരിച്ചു പോയപ്പോൾ രണ്ടാമതൊരാൾ കൂടെക്കൂടിയിരുന്നു, ഇപ്പോൾ അയാൾ ഒന്നും അന്വേഷിക്കാറില്ല. റേഷൻ കടയിൽ‌ പോയി ചോദിക്കുമ്പോൾ അവിടുന്ന് അവര് ചെറിയ സഹായം നൽകും. ആറാം ക്ലാസ്സുവരെ മാത്രമാണ് വിദ്യാഭ്യാസമൊള്ളൂ, മകൾ ഇപ്പോൾ ഒമ്പതാം ക്ലാസ്സിലാണ് പഠിക്കുന്നത്. കൗൺസിലറുമാർ പോലും തിരിഞ്ഞു നോക്കുന്നില്ല. മക്കൾ കൂടെനിൽക്കണമെന്ന് ആ​ഗ്രഹമുള്ളതുകൊണ്ടാണ് അവരെ അനാഥാലയത്തിലൊന്നും കൊണ്ടുപോയി ആക്കാത്തത്.

ഈ കുടുംബത്തിന് ആവശ്യമായ എല്ലാ സഹായവും ചെയ്യുന്നുണ്ടെന്ന് കൗൺസിലർ കർമ ന്യൂസിനോട് പറഞ്ഞു. ആ വീടിന്റെ ആവസ്ഥ കാണുമ്പോൾ തന്നെ നിങ്ങൾക്ക് അവസ്ഥ മനസ്സിലാകുമെന്നും അബി എന്ന സഹോദരൻ കർമ ന്യൂസിനോട് പറയുന്നു.