ജനീവ/ കോവിഡ് വകഭേദമായ ഒമൈക്രോണിന്റെ ഉപവകഭേദം ഇന്ത്യയില് കണ്ടെത്തിയതായി ലോകാരോഗ്യ സംഘടനയുടെ അറിയിപ്പ്. ബിഎ.2.75 വകഭേദമാണ് കണ്ടെത്തിയിരിക്കുന്നത്. ഇന്ത്യ അടക്കം ചില രാജ്യങ്ങളില് പുതിയ ഉപവകഭേദം കണ്ടെത്തിയതായും, ഇതു നിരീക്ഷിച്ചു വരുന്നതായും ലോകാരോഗ്യ സംഘടന ഡയറക്ടര് ജനറല് ടെഡ്രോസ് അഥാനോം ഗെബ്രെയെസുസ് ആണ് അറിയിച്ചിരിക്കുന്നത്.
ലോകവ്യാപകമായി കോവിഡ് കേസുകളില് 30 ശതമാനത്തോളം വര്ധന കഴിഞ്ഞ രണ്ടാഴ്ചയായി ഉണ്ടായിട്ടുണ്ട്. ഡബ്ല്യുഎച്ച്ഒയുടെ ആറില് നാലു സബ്-റീജിയണുകളിലും കഴിഞ്ഞയാഴ്ച കേസുകളില് വര്ധനയുണ്ടായിട്ടുണ്ട്. യൂറോപ്പിലും അമേരിക്കയിലും ബിഎ.4, ബിഎ.5 വകഭേദങ്ങള് കാര്യമായി വ്യാപിക്കുകയാണ്. ലോകാരോഗ്യ സംഘടനാ മേധാവി വ്യക്തമാക്കി.
ഇന്ത്യയിലാണ് ബിഎ.2.75 വകഭേദം ആദ്യം കണ്ടെത്തിയത്. പിന്നീട് 10 രാജ്യങ്ങളില് കൂടി ഈ ഉപവകഭേദം കണ്ടെത്തുകയുണ്ടായെന്ന് ലോകാരോഗ്യസംഘടനയുടെ മുഖ്യ ശാസ്ത്രജ്ഞ സൗമ്യ സ്വാമിനാഥന് വ്യക്തമാക്കി. ഈ ഉപവകഭേദത്തിന് സ്പൈക് പ്രോട്ടീനില് മ്യൂട്ടേഷന് സംഭവിച്ചതായാണ് മനസ്സിലാക്കുന്നത്. പുതിയ വകഭേദം കൂടുതല് അപകടകാരിയാണോ എന്നതടക്കമുള്ള കാര്യങ്ങളില് പഠനങ്ങള് നടക്കുകയാണെന്നും സൗമ്യ സ്വാമിനാഥന് പറഞ്ഞു.
ലോകവ്യാപകമായി ജൂണ് 27 – ജൂലൈ 3 വരെയുള്ള കാലയളവില് 4.6 മില്യണ് കേസുകളാണ് റിപ്പോര്ട്ട് ചെയ്തിട്ടുള്ളത്. ജൂലൈ 3 വരെ ആകെ 546 ദശലക്ഷംപേര്ക്ക് കോവിഡ് വന്നിട്ടുണ്ട്. 63 ലക്ഷം പേര് മരിക്കുകയും ചെയ്തുവെന്നാണ് റിപ്പോര്ട്ട്. മഹാമാരിയുടെ ഭീതി ഒഴിഞ്ഞുവെന്ന് പ്രഖ്യാപിക്കാന് സമയമായിട്ടില്ലെന്ന് ലോകാരോഗ്യസംഘടന ഇന്സിഡന്റ് മാനേജര് അബ്ദി മെഹ്മൂദ് പറഞ്ഞു. കോവിഡ് പ്രോട്ടോക്കോള് കര്ശനമായി പാലിക്കണമെന്നും അബ്ദി മെഹ്മൂദ് ആവശ്യപ്പെട്ടു.
ചാലക്കുടി: മലയാളി യുവതിയെ കാനഡയിൽ മരിച്ചനിലയിൽ കണ്ടെത്തിയ സംഭവത്തിൽ ഭർത്താവ് ഇന്ത്യയിലേക്കെത്തിയതായി വിവരം. കാനഡയിലെ വീട്ടിൽ പാലസ് റോഡിൽ പടിക്കല…
ബോംബ് നിർമാണത്തിനിടെ കൊല്ലപ്പെട്ടവർക്ക് രക്തസാക്ഷി സ്മാരകം പണിത് സി.പി.എം. പാനൂർ തെക്കുംമുറിയിലാണ് സി.പി.എം സ്മാരകം നിർമിച്ചത്. ബോംബ് നിർമാണത്തിനിടെയുണ്ടായ സ്ഫോടനത്തിൽ…
മുക്കം : മുക്കത്ത് കാര് അപകടത്തില് യുവാവ് മരിച്ചു. മാങ്ങാപ്പൊയിലിലാണ് സംഭവം. എരഞ്ഞിമാവ് സ്വദേശി ഫഹദ് സമാന് (24) ആണ്…
ലണ്ടനിലേക്കുള്ള യാത്രക്കിടെ വിമാനത്താവളത്തിൽ കുഴഞ്ഞുവീണ് മരിച്ച സൂര്യ സുരേന്ദ്രന്റെ (24) മരണകാരണം അരളിച്ചെടിയുടെ വിഷം ഉള്ളിൽ ചെന്നതിനെ തുടർന്നുള്ള ഹൃദയാഘാതമെന്ന്…
പ്രണയത്തിൽ പെട്ട് മതം മാറുന്നവരിൽ കൂടുതലും പെൺകുട്ടികൾ ആണെന്ന് ജ്യോതിഷപണ്ഡിതൻ ഹരി. പത്തനാപുരം. ഞാൻ മതപരിവർത്തനത്തിന് തീർത്തും എതിരാണ്. ഒരു…
കോഴിക്കോട് : നാലുവയസ്സുകാരിക്ക് കൈവിരലിന് പകരം നാവില് ശസ്ത്രക്രിയ നടത്തിയ സംഭവത്തില് ഡോക്ടര്ക്ക് വീഴ്ച സംഭവിച്ചതായി അന്വേഷണ റിപ്പോര്ട്ട്. മെഡിക്കല്…